Энэ оны хамгийн поп амлалт болох метроны ОУ-ын тендер зарлагдлаа. Энэ удаад 4 жилийн дотор метрогоо ашиглалтад оруулах ёстой. Тэгвэл метротой хотын жишгүүдийг харъя! Тэд яаж барив, хэдэн жилийг зарцуулав? Ер нь 4 жил гэдэг хэр боломжит хугацаа билээ?
Дэлхийн ⅔ нь метроны системгүй
Дэлхий дээрх улс орнуудын 61% нь метроны системгүй. Гэсэн ч эдгээр орнуудын дийлэнх нь Африк тивийн орнууд. Судлаад үзтэл дэлхийд метро барихад дунджаар 5-15 жил шаардлагатай байдаг аж. Сонирхуулахад, дэлхийн хамгийн урт буюу 831 км урттай Шанхайн метроны системийг 30 жилд барьсан бол Энэтхэгийн Капур хотод хамгийн хурдан буюу 2 жилийн дотор 8.9 км метроны систем барьж байжээ.
Харин Монгол
Одоо барих гээд байгаа метрог 2013 онд Жайкагийн хийсэн ТЭЗҮ-д тулгуурлан хийх гэж байгаа гэхээр яагаад 11 жилийн хугацааг алдсан юм бол гэж гайхмаар. Юутай ч тус метроны систем нь 1.3 км-ын зайтай 14 буудалтай, 17,000 хүн тээвэрлэх чадалтай байна гэнэ лээ. Гэхдээ бид үнэхээр 2028 онд метротой болж чадах уу?
Эцэст нь… Монголд сонгуулийн өмнө томоохон бүтээн байгуулалт хөдөлдөг, төрийн хишиг тараадаг гээд бартерын эдийн засаг эрчимждэг жамтай. Бартерын гэж хэлсний учир нь эрх баригчид маань гэнэт сонгуулийн жил ухаан орж иргэдийн саналыг мөнгөөр, амлалтаар татах гэж үздэг муу зантай. Метро бол хэзээний л сонгуулийн хамгийн поп амлалт байлаа. 2028 он гэхэд ядаж метроны дэд бүтэц нь шийдэгдсэн байх болтугай…
Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд lemonpress.mn хариуцлага хүлээхгүй.