Ард Майнинг Групп (АМГ) хариуцлагатай уул уурхайн салбарт санхүү, технологийн инновацыг нэвтрүүлж, хариуцлагатай уул уурхайг дэмжин ажиллана. АМГ нь хариуцлагатай уул уурхайн нийтлэг зарчмыг мөрдөн ажилладаг, ил тод засаглалтай компаниудыг технологи, санхүүгийн цогц шийдлээр дэмжих платформ. Үүнд, нийгмийн хариуцлагын дараагийн үе шат хэмээгддэг “Үнэ цэнээ хуваалцах стратеги” (Shared Value Strategy)-ийг цогцлоохыг чухалчлах юм.

Монгол Улсад хариуцлагатай уул уурхайн тухай ойлголт 2006 оноос нэвтэрч эхэлсэн боловч төсөл хэрэгжиж буй орон нутгийн иргэд тухайн компанийн засаглал, бодлого төлөвлөлтийн түвшинд нээлттэй оролцох, өгөөж хүртэх боломж хязгаарлагдмал байж ирсэн.

Бид өнөөг хүрэл үйлчилж ирсэн тогтолцоог өөрчилж, орон нутгийн иргэдэд Баялагтаа Эзэн байх боломжийг нээх зорилготой. Ингэснээр жирийн иргэд тухайн бүс нутагт төсөл хэрэгжүүлж буй компанид хувьцаа эзэмшигч болж, эрх, үүргээ бүрэн эдлэх, ашгаас хүртэх боломж нээгдэнэ.

АМГ нь хувийн хэвшлийг түүчээлэн хариуцлагатай уул уурхайг дэмжих цогц төслийг санаачлан хэрэгжүүлэх бөгөөд олон улсын шилдэг туршлага, дэвшилтэт менежмент, инновацыг нэвтрүүлсэн тогтвортой хөгжлийн шинэ загварыг Монгол Улсад төлөвшүүлэх болно.

Эх сурвалж: Ард Майнинг Групп