Биллинг буюу төлбөр тооцооны систем нь харилцаа холбоо, технологийн салбарын гол цөм нь болдог бөгөөд олон мянган хэрэглэгчийн үйлчилгээг идэвхжүүлэх, шинэ бүтээгдэхүүн нэвтрүүлэх, идэвхжүүлсэн үйлчилгээний төлбөрийг бодит цагийн горимоор алдаагүй, хоцрогдолгүй зөв тооцоолоход чухал үүрэгтэй систем.

Дэлхийн чиг хандлага

Дэлхийн хэмжээнд үүлэн технологийн хэрэглээ эрчимтэй өсөж, өнгөрсөн оны байдлаар үүлэн тооцооллын зах зээл $600 тэрбумыг давж, жил бүр 20% өсөх төлөвтэй байгаа. Үүлэн технологи дундаа тус салбарын үүлэн системд суурилсан төлбөрийн системийн зах зээлийн хэмжээ энэ онд $10 тэрбумд хүрэх төлөвтэй байгаа гэхээр оператор компаниуд төдийгүй технологийн бүхий л компаниуд чамгүй мөнгө зардаг нь илэрхий.

Харин Монголд

Скайтел Группийн тухайд сүүлийн үеийн үүлэн технологид суурилсан, уян хатан төлбөрийн системийг амжилттай нэвтрүүлж, харилцаа холбооны бүх төрлийн үйлчилгээг нэгтгэсэн цогц системтэй болсон байна.

Нэг дороос гялс

Энгийнээр тайлбарлавал тус систем нь гар утас, IPTV, интернэт, VoIP интернэтэд суурилсан яриа, OTT видео стрийминг зэрэг олон төрлийн үйлчилгээг хувь хүний хэрэглээнд нийцэх personalized түвшинд санал болгох, идэвхжүүлсэн үйлчилгээний мэдээллийг нэгтгэн багцлах, төлбөрөө нарийвчлан харах, удирдах боломжийг бүрдүүлэх талаараа тун хялбар шийдэл.

Төлбөрийн сонголтын хувьд хэрэглэгч идэвхжүүлсэн бүх үйлчилгээг нэгтгэн нэг нэхэмжлэлээр авах, эсвэл олон төрлийн үйлчилгээг багтаасан багц бүтээгдэхүүн, үйлчилгээг авах боломжтой болжээ. Бүтээгдэхүүнийг хэрэглэгч бүрд яг зөв цагт ялгаатай нөхцөлөөр санал болгох хиймэл оюунд суурилсан шийдэл болох аж.

Цаашлаад, хувь хэрэглэгчдээс гадна өндөр дүнтэй гүйлгээ хийж буй ААН-үүдийн урсгал зардлыг хэмнэх, аюулгүй байдал талаасаа өмнө нь уламжлалт аргаар хийгдэж ирсэн олон шат дамжлагатай процессыг автоматжуулж дижиталчилж байгаа нь тун давгүй.

Эх сурвалж: Скайтел Групп