Future of Tendering арга хэмжээ нь TenderHub-н хамтрагч байгууллагууд болох Тэнгэр Даатгал ХК болон Бүрэн Финанс ББСБ, мөн тендерийн салбарт идэвхтэй оролцдог 40 гаруй байгууллагын төлөөллүүд хүрэлцэн ирж оролцлоо.

Арга хэмжээний хүрээнд TenderHub платформын хэрэглэгчдэд зориулсан санхүүгийн шинэ боломжуудыг танилцуулсан бөгөөд эдгээр нь тендерт оролцогч аж ахуйн нэгжүүдийн санхүүгийн хүртээмжийг нэмэгдүүлэх, бизнесийн үйл ажиллагааг өргөжүүлэхэд чиглэж байна.

Тодруулбал, Тэнгэр Даатгал ХК-ийн зүгээс ₮1 тэрбум хүртэлх эх үүсвэргүй даатгалын баталгааны эрхийг, харин Бүрэн Финанс ББСБ-аас ₮500 сая хүртэлх хэмжээний зээлийн шугамын үйлчилгээг зөвхөн TenderHub-н хэрэглэгчдэд санал болгож буйгаа танилцууллаа.

Арга хэмжээнд оролцсон байгууллагууд эдгээр боломжийг өндрөөр үнэлж, арга хэмжээний үр дүнд TenderHub-н санхүүгийн үйлчилгээ үзүүлэгч түнш байгууллагуудтай хэлцэл хийж эхэлсэн нь бодит үр дүнг үзүүлж байна.

Түүнчлэн арга хэмжээний үеэр тендерийн салбарын оролцогчдод зориулсан шинэ хамтын ажиллагаа, санхүүгийн шийдлүүдийг цаашид нэмэгдүүлэх чиглэлээр талууд санал солилцож, хамтын ажиллагаагаа өргөжүүлэх боломжуудыг хэлэлцлээ.

TenderHub-н хувьд тендерийн зах зээлд зөвхөн мэдээлэл түгээдэг платформ байхаас илүүтэйгээр бизнесүүдийг санхүүжилт, хамтын ажиллагаа, шинэ боломжуудтай холбосон цогц экосистемийг бүрдүүлэх зорилготой ажиллаж байна. Тендерийн экосистемийг бодит бизнесийн орчин болгон хөгжүүлэх энэхүү зорилт цаашид ч үргэлжилж, хэрэглэгчдэд зориулсан нэмэлт санхүүгийн бүтээгдэхүүн, онцгой нөхцөл, стратегийн хамтын ажиллагаанууд үе шаттайгаар нэмэгдэх болно.

Эх сурвалж: TenderHub