Сонгуулийн эрх бүхий Монгол Улсын иргэд УИХ-ын 2024 оны ээлжит сонгуульд оролцож, сонгох эрхээ эдлэхийн тулд 2024 оны 5 сарын 6-наас 6 сарын 15-ны хооронд оршин суугаа эсвэл түр зорчиж буй улс, хотод байршилтай Монгол Улсын Дипломат төлөөлөгчийн газар буюу Элчин сайдын яам, Ерөнхий консулын газар, Консулын газарт санал өгөх тухай хүсэлтээ илэрхийлж дор дурдсан бүртгэлийн хэлбэрүүдээс нэгийг сонгон сонгогчдын нэрийн жагсаалтад бүртгүүлэх шаардлагатай юм. 

 Бүртгэлийн хэлбэрүүд

• https://election.burtgel.gov.mn/request хаягаар орон шууд бүртгүүлэх;
• https://election.burtgel.gov.mn/request хаягаас бүртгэлийн маягт татан авч бөглөөд гадаад паспорт эсвэл иргэний үнэмлэхийн хуулбарын хамт тухайн улсад суугаа Дипломат төлөөлөгчийн газрын цахим шуудангаар илгээн бүртгүүлнэ. Эсвэл өөрийн биеэр очиж бүртгүүлэх боломжтой.

Хэзээ саналаа өгөх вэ? 

Таны бүртгэл сонгогчдын нэрийн жагсаалтад баталгаажсан бол 2024 оны 6 сарын 20, 21, 22, 23-ны 07:00-22:00 цагийн хооронд /тухайн улсын орон нутгийн цагаар/ саналаа өгөхөөр бүртгүүлсэн тухайн Элчин сайдын яам, Ерөнхий консулын газар, Консулын газарт байрлах санал авах байранд гадаад паспорт эсвэл иргэний үнэмлэхтэйгээ биечлэн очиж саналаа өгнө. 

Гэснээс саналын хуудсыг хэрхэн бөглөх тухай мэдээллийг ЭНД дарж аваарай.