Гэрт ойр, сэтгэлд ойр CU (CUMN)-гийн нээлттэй компани болсноос нь хойших анхны санхүүгийн тайлан гарчээ. Хөрөнгө оруулагчдад амласан амлалтаа биелүүлж үү харцгаая. 

IPO хийхээс өмнөх жилүүдэд: Борлуулалт өссөн ч алдагдалтай хэвээр

• 2018 он: ₮5.7 тэрбумын борлуулалт, 320 мянган үйлчлүүлэгч, ₮5.9 тэрбумын алдагдал
• 2019 он: ₮37.5 тэрбумын борлуулалт, 886 мянган үйлчлүүлэгч, ₮11.3 тэрбумын алдагдал 
• 2020 он: ₮45.3 тэрбумын борлуулалт, 401 мянган үйлчлүүлэгч, ₮15.7 тэрбумын алдагдал

IPO-гийн дараа: Борлуулалтын таамаглалаа давуулжээ

• 2021 он: Өнгөрсөн онд ₮89 тэрбумын орлоготой ажиллана гэж тооцоолж байсан бол ₮94 тэрбумын борлуулалт хийж 5.6%-иар давуулсан байна. Түүнчлэн, IPO хийснээс хойш нийт хөрөнгө нь 2 дахин өсөж, ₮120 тэрбум болсон аж. Гэсэн ч ашиггүй хэвээр буюу ₮15.6 тэрбумын алдагдалтай ажилласан ба харин авууштай нь ₮20 тэрбум байна гэж таамагласнаасаа бага алдагдал хүлээжээ. 

Ирээдүйн таамаглал нь 

Ирэх онд анх удаагаа ашигтай буюу ₮8 тэрбумын ашиг олно гэж тооцоолсон аж. Борлуулалтын төлөвлөгөөгөө давуулж, тооцоолсноосоо бага алдагдал хүлээсэн гэхээр ирэх жил гэхэд ашигтай ажиллаж магадгүй л юм байна даа.