
Ерөнхийлөгч суудлаасаа бууж холбогдсон “гүтгэлэг”-ийн хэргүүдээ шалгуулахаар болсон. Энэ ч утгаараа Ардчилсан намаас АТГ-ын даргыг сөрөг хүчнээс томилдог байх саналыг гаргалаа.
🤔 19 жилд 5 дарга
АТГ 2007 онд байгуулагдсанаас эхэлснээс хойш 5 хүн даргаар ажиллажээ. Анхны дарга Б.Дангаасүрэн томилогдоод удалгүй Австралид албан томилолтоор явж байхдаа учир битүүлгээр нас барсан. Түүнээс бусад 4 дарга дунджаар харьцангуй тогтвортой буюу 5 жил орчим ажилласан. Гэвч тэднээс 6 жилийн бүрэн эрхээ дуусгасан нь зөвхөн З.Дашдаваа.
🤨 Өндөр албан тушаалтан, тодорхойгүй үр дүн
Угтаа АТГ-ын түүхэн гэж хэлэхүйц гүйцэтгэх ажиллагаа явуулсан, ялласан нь Ерөнхийлөгч асан Н.Энхбаяр. Гэвч сүүлийн жилүүдэд олон нийтийн анхаарлыг татсан хэргүүд хариултгүй үлдсээр байгаа. Тухайлбал, өнгөрсөн жилийн дуулиант хэрэг болох Ерөнхий сайд Л.Оюун-Эрдэнийн хүүгийн тансаглалын эх үүсвэрт хийсэн хяналт шалгалтаар бараг л өмөөрөл аятай дүгнэлт гаргасан.
😪 Булингартай тогтолцоо
2021 оны Авлигын эсрэг хуульд өөрчлөлт оруулах тухай нэмэлт өөрчлөлтөөс өмнө АТГ-ын 4 даргыг Ерөнхийлөгч, түүнээс хойш Ерөнхий сайд санал болгож буй. Гол асуудал нь бие биедээ хяналт тавих ёстой хууль тогтоох, гүйцэтгэх, шүүх засаглалын байгууллагууд томилгооны асуудалд өөр хоорондоо холилдож байгаа явдал юм. Энэ ч утгаараа Ардчилсан нам АТГ-ын даргыг сөрөг хүчнээс санал болгож, энэхүү хутгалдааныг тасалъя л гэнэ.
Эцэст нь… $25 саяын авлигын хэрэгт холбогдсон Ерөнхийлөгч болон Хууль зүйн сайд асан Б.Энхбаяр нар нэр төрөө цэвэрлүүлэхээр ажлаа өглөө. Тэдний хэргийг шалгах явцад үлгэр домог шиг яригдаж буй Бодь Интернэшнл ХХК-тай холбогдох $110 саяын хэрэг тодорхой болох биз ээ.
Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд lemonpress.mn хариуцлага хүлээхгүй.