ChatGPT хэрэглээнд нэвтрээд 2 сарын дотор л 100 сая хэрэглэгчтэй болж, шинжээчид тэднийг 2 жилийн дотор Google (GOOG)-г гүйцнэ гэх хүлээлт тавив. Гэтэл өнгөрсөн Даваа гарагт Google Bard нэртэй AI-г танилцууллаа. Юу болоод байна? 🔥

Технологийн шинэ дайн

Саяхныг хүртэл технологийн өрсөлдөөний хамгийн халуухан сэдэв хагас дамжуулагч байсан сан. Гэтэл томчуудын тоглоом хагас дамжуулагчаас AI руу шилжив. Хязгаар, нөөцөд баригдахгүй AI-г улс орнуудын ЗГ-ууд хүртэл сонирхох боллоо. Тэгвэл хараахан олон нийтэд нээлттэй болоогүй байгаа Bard юу хийж чадах вэ?

• Мэдээллийн сан: ChatGPT 2021 оныг хүртэл мэдээлэлд тулгуурлан хариулт өгөх боломжтой бол харилцан ярианд суурилсан Bard-д ямар нэгэн цаг хугацааны хүрээнд баригдахгүй аж.
• Илүү гүн: Bard нь илүү шинэлэг байх бөгөөд анализ болон өндөр түвшний нарийвчлалтай хариулт өгөх чадалтай байх юм.

AI-н өрсөлдөөн

Bard-н мэдэгдлийн араас Microsoft (MSFT) ч өөрсдийн ChatGPT-р сайжруулсан Bing болон Edge-г хэрэглээнд нэвтрүүлэх талаар мэдээллээд амжив. Тэд Chrome vs Edge-н өрсөлдөөнийг хүч тэнцүүлэхээр өнгөрсөн сард OpenAI-т $10 тэрбумын хөрөнгө оруулалт хийсэн. Цаашлаад AI-н өрсөлдөөний гадна үлдэхийг хүсээгүй Baidu (BIDU)-н Ernie Bot-н туршилт дуусаж ирэх 3-р сараас хэрэглэгчдийн хүртээл болохоор болов. Энэ сургаар хувьцааных үнэ нь 18% өсөж $160-т хүрээд байна. 

Эцэст нь… Технологийн акулууд ээлж дараалан AI-р зэвсэглэсэн чатботуудыг танилцуулсаар. Харин бид трэндээс хоцрохгүй байх тал дээр анхаарахгүй бол ч...