Цахим зээлийн талбарын ширүүн өрсөлдөгч Pocket Guyuk metaverse-д өөрийн Zero Mall нэртэй их дэлгүүрийг барин өнөөдөр нээлтээ хийж байна. 

Юу гэсэн үг вэ?

Тэд 3 жилийн ойн баяраа тохиолдуулан виртуал ертөнцөд суурилсан нийгмийн сүлжээ болох Guyuk metaverse-д 8 давхар их дэлгүүр бүтээж буй. Тэгэхээр та компьютероор бүтээсэн хийсвэр орчинд VR төхөөрөмж, ухаалаг утас, компьютер ашиглан виртуал орчинд дэлгүүр хэсэх боломжтой гэсэн үг. 

• Ямар давуу талтай вэ?: Тус их дэлгүүрт урьдчилгаагүй хүүгүй шимтгэлгүй PocketZero үйлчилгээгээр худалдан авалт хийж болох аж. 
• Нээлтийн урамшуулал: Нээлтийн үеэр 3 хоногийн турш бэлэгтэй хөтөлбөрүүд хэрэгжих бөгөөд худалдан авалт хийгээд шагналын эзэн болох боломжтой. 
• Тэнд хэн байх вэ?: Zero Mall-д 50 орчим томоохон дэлгүүрүүд байрлах төлөвлөгөөтэй байна. Одоогоор Next, Smart Store, Technozone, Vivi Fashion, Enjoy,  Pandora, Market.mn, K50 , Ayanchin, Cloud Nine, DEER, Goyol, shoppy, Alphabook зэрэг брэндүүд байрлаж буй.

Хэрхэн худалдан авалт хийх вэ?

Zero Mall-д байрлах дэлгүүрүүдээр зочлон, худалдан авахыг хүсэж буй бүтээгдэхүүний 3D модель дээр дарахад тухайн бүтээгдэхүүний сонголтууд гарч ирэх бөгөөд түүнээс сонголтоо хийн, худалдан авалт хийхдээ PocketZero-г ашиглан төлбөрөө төлөхөд болох аж.

Дэлхийн трэнд

Дэлхийн томоохон брэндүүд AI болон metaverse ашиглан хэд хэдэн туршилтууд хийж буй. Жишээ нь Nike (NKE)-н дэлгүүрийг AI ашиглан Эверестийн оргил дээр бүтээсэн бол Gucci The Sandbox дээр Gen Z-д зориулсан виртуал ертөнцийг бий болгохоор зорьж буй.

Эцэст нь… Монгол ч гэсэн дэлхийн трэндээс хоцрохгүй байгаа нь авууштай юм даа.