Netpay апп, Сайн моторс ХХК хамтран 10 азтан  шалгаруулах хамгийн том шагналтай аян зарлаж, шагналын эздэд өнөөдөр бэлгийг нь гардууллаа. Аз од нь гийсэн супер азтанаар Завхан аймгийн Төгс буян жавхлант хийдийн лам Д.Цэрэнсодном тодорч, Jetour Х1 маркийн машинаа гардан авлаа. Бусад 9 азтан Iphone 15, Samsung s24 plus, playstation, starlink, huawei buds, мөнгөн урамшуулал, Galaxy watch гэх мэт гайхалтай бэлгүүдийн эзэн болсон юм.

Азтан шалгаруулах аяны талаар Нэткапитал санхүүгийн группийн гүйцэтгэх захирал Б.Хуншагай: “Нэткапитал санхүүгийн групп яагаад аянд оролцох болсон гэхээр, монголын нийт ард түмэнд XXXIII зуны олимп, XVII зуны паралимпийг шууд үзэх, үүгээр дамжуулж монголынхоо баг тамирчдыг дэмжих боломж олгох зорилготой байсан. Дээрээс нь Нэткапитал санхүүгийн групп 16 жилийн турш салбартаа тогтвортой үйл ажиллагаа явуулж байна. Тиймээс бид нийгмийн хариуцлагын хүрээнд, харилцагчид руугаа чиглэсэн арга хэмжээ зохион байгуулсан. Урамшуулалт аянд  Netpay апп, Сайн моторсын харилцагчдаас нийт 400 мянга гаруй сугалаа бүртгэгдсэн байна. Үүнд маш их баяртай байна” гэлээ.

Мөн супер азтан Д.Цэрэнсодном сэтгэгдлээсээ хуваалцлаа.

Тэрээр, “Намайг Д.Цэрэнсодном гэдэг. Завхан аймгийн бурхан шашинтны төвд суудаг. Лам хүн байна. Сэтгэгдэл маш өндөр байна. Би өмнө нь огт азтан болж байгаагүй. Гэнэтийн азтан болсондоо маш их баяртай байна. Хүнд аз ёндоо гэж байна. Сэтгэл зөв бол заяа зөв гэдэг шиг  зөв сэтгэлтэй явбал болдог юм байна. Өчигдөр Завханаас ээжтэйгээ автобусаар ирсэн. Ах маань тосож авсан. Машинаа хараад, энэ машины эзэн болсондоо маш их баяртай байна. Нутаг руугаа буцахдаа ганган машинаа хөлөглөөд давхина даа” гэв.

Бусад азтанууд сэтгэгдэл өндөр байгаагаа хэлж Netpay апп-ын давуу талуудыг дурдсан юм.

Тэдний сэтгэгдлээс хуваалцвал, 

• "Сэтгэгдэл маш өндөр байна. Манай эгч Playstation 5 хожсон. Гэхдээ бараг би ашиглах байх. Playstation 5 бол залуусын дуртай, тоглохыг хүсдэг зүйл. Netpay апп-аар зээл авч төлөөд, зээлийн эрхээ дахин сунгах боломжтой юм билээ. Эгч маань энэхүү апп-ын хэрэглэгч байснаараа өнөөдөр азтан болоод, энд зогсож байна."

• "Манай охин энэ байгууллагуудын үнэнч хэрэглэгч. Starlink гэх гайхалтай төхөөрөмж гардаж авлаа. Гар утасны апп-аа ашиглаад бүх төрлийн зээл, худалдан авах ажиллагаагаа явуулдаг нь Netpay aпп-ыг сонгох шалтгаан болсон. Үүгээрээ их давуу талтай гэж үзэж байна. Цаг зав хэмнэсэн сайхан үйл ажиллагаа явуулдаг компани” гэсэн юм.

Netpay дижитал зээлийн апп-ын хэрэглэгчид хүссэн газраасаа  ₮5 сая хүртэлх зээлийг ямар ч хураамжгүй авдаг. Зээл олгох үйл явц 100% онлайнаар явагддаг учраас гар утсаараа хүсэлтээ илгээгээд, хамгийн хурднаар гэрээ байгуулах боломжтой. Мөн Netpay-ийн хамтрагч байгууллагуудаас ₮2 сая хүртэлх дүнтэй бараа бүтээгдэхүүн шимтгэлгүй, хүүгүй авч, төлбөрөө 4-6 хувааж төлөх үйлчилгээтэй. Бүр цаашлаад шинээр бүртгэл үүсгэх, зээл авах, зээл төлөх болон хамтрагч байгууллагуудаас бүтээгдэхүүн үйлчилгээ авах бүрдээ Netpoint оноо цуглуулах юм.

Эх сурвалж: Нэткапитал санхүүгийн групп