Оны бизнес, санхүүгийн салбарын шилдгүүдийг шалгаруулах “Lemon Press Awards” 3 дахь жилдээ зохиогдож билээ. Тэгвэл бид “Онцлох үнэт цаасны компани” номинациар 2023 оны шилдгийн шилдэг үнэт цаасны компанийг шалгаруулах юм. 

Та “Lemon Press Awards”-д ЭНД дарж саналаа өгнө үү. 

Шалгуур

Ингэхдээ бид МХБ-ийн гишүүн ҮЦК-иудын эхний 10 сарын арилжааны дүн, хэр ашигтай ажилласан бэ гэдгийг харахаас гадна хэдэн IPO, хэдэн нээлттэй бонд болон ХБҮЦ дээр андеррайтераар ажилласан бэ гэдгийг харав. Энэ бүх дата, шалгуурын эцэст дараах 4 компани шигшигдэв. Үүнд, 

• Голомт Капитал ҮЦК ХХК: Компанийн хувьд шилэгдсэн хэдээсээ хамгийн өндөр ашигтай ажилласан. СИМПЛ I, II бондын андеррайтераар ажилласан тэд эхний 10 сард ₮170.3 тэрбумын арилжаа хийж, II улиралд ₮3.1 тэрбумын ашигтай ажилласан юм. Мөн компани бонд тэр дундаа бондын анхдагч ЗЗ-ийн арилжаанд түлхүү ордог гэдгээрээ алдартай. 
• БиДиСек ҮЦК ХК: Тэд шилэгдсэн компаниуд дундаасаа хамгийн өндөр дүнтэй арилжаа хийсэн. ХААН Банкны IPO болон ногоон бондын андеррайтерын хувьд арилжааны дүн нь эхний 10 сард ₮346.6 тэрбумд хүрсэн билээ. Түүнчлэн компани 7-10 сарын хооронд бондын анхдагч зах зээлийн арилжаанд идэвхтэй оролцсон байна. 
• Таванбогд капитал ҮЦК:  Компани гадаад арилжаанд хамгийн их анхаарал хандуулдаг бөгөөд хөрөнгө оруулагчдыг өргөн цар хүрээний мэдээлэл, бүтээгдэхүүн, тоон шинжилгээгээр хангаж ажилладаг. Мөн тэд 2023 онд 2 IPO дээр туслах андеррайтераар, Инвескор Бонд 2.0 дээр үндсэн андеррайтераар ажиллаж II улирлын байдлаар ₮370.1 саяын ашигтай ажилласан юм. Таванбогд капитал ҮЦК-ийн хувьд хувьцааны анхдагч болон хоёрдогч арилжаанд түлхүү оролцдогоороо онцлог. 
• Өлзий энд Ко Капитал ҮЦК: 2023 онд тэд QPay-н IPO, Сэндли Бонд зэрэг 6 бүтээгдэхүүний андеррайтераар ажилласан нь шилдгүүд дундаа хамгийн их. Ингэснээр тэд 2023 оны эхний 10 сард ₮56.8 тэрбумын арилжаа хийсэн юм. 

ҮЦК-иудын үйл ажиллагаа энэ жил маш сайн байсан тул шилдгүүдийг сонгох амаргүй байлаа. Гэхдээ уншигч та бүхэн шилдгийг нь тодруулж чадна гэдэгт итгэлтэй байна. ЭНД дарж санал өгнө үү.