Хэдийгээр Halloween нэг л өдөр болдог ч хувцас, нүүр будалт, чихэр, хулуу гээд ихээхэн хэмжээний зардал дагуулдаг. Тэгвэл энэ нь эдийн засагт хэрхэн нөлөөлдөг бол?

• Дээд хэмжээ: Америкчуудын хувьд Halloween бол шинэ жилийн дараа орох 2 дахь том баяр. Тиймдээ ч тэд 2021 онд Halloween-г $10.1 тэрбумаар тэмдэглэж түүхэн дээд амжилт тогтоожээ. Уг зардлын 30%-ийг дан ганц чихрийн зардал, 33.2%-ийг хувцасны зардал бүрдүүлсэн аж. Түүнчлэн Америкчууд энэ жил уг баярыг улам өргөжүүлэн $10.6 тэрбумын зардал гаргаж магадгүй байгаа юм. 
• Нөлөө: Halloween мэтийн зардалд суурилсан баяр нь нэмэлт худалдан авалтыг дэмжих замаар зах зээлийг тэлдэг байна. Цаашлаад ДНБ өсөхөд хүргэж, эдийн засгийн үйл ажиллагааг эрчимжүүлэн ажлын байр нэмэгдэхэд хүргэдэг аж. Зөвхөн Halloween-д зориулж улирлын чанартайгаар үйл ажиллагаа явуулдаг жижиглэнгийн дэлгүүрүүд ч байдаг гэнэ шүү.

NRF-н судалгаанаас харахад энэ жил Америкийн хэрэглэгчдийн 69% нь Halloween тэмдэглэхээр байгаа нь цар тахлын өмнөх үеэс 1% нэмэгдсэн үзүүлэлт юм. Манайхан ч бас энэ жил Halloween-г нэлээд өргөн хүрээнд тэмдэглэж байгаа санагдсан даа.