Монголд үйл ажиллагаа явуулж буй худалдаа, үйлчилгээний төвүүдийн бодит хөл хөдөлгөөн ямар байгааг анх удаа хамгийн өндөр нарийвчлалтайгаар харуулсан дүн шинжилгээг хийлээ. Энэхүү судалгааг Мобиком корпорацийн “Geo PRO” хэмээх олон улсын стандартад суурилсан байршлын аналитикийн платформыг ашиглан гаргасан ба мэргэжлийн GMR судалгааны багийн хөлийн тооллого дээр тус тус үндэслэсэн гаргасан байна. “Geo PRO” нь анх Япон улсын хот төлөвлөлт, замын ачаалал, нийтийн үйлчилгээний хүртээмжийг тооцох зорилгоор хөгжүүлэгдсэн технологи бөгөөд өнөөдөр Азийн олон улс орон хөл хөдөлгөөний урсгал, үйлчилгээний хүртээмжийг бодит датагаар хэмжихэд өргөн ашиглаж байна.

Энэхүү аргачлал нь маркетинг, сурталчилгааны хүчин зүйлээс үл хамааран тухайн бүс орчмын жинхэнэ хөл хөдөлгөөний бодит тоо, иргэдийн зорчих давтамж зэргийг харах боломжийг олгодгоороо онцлог бөгөөд уг өгөгдөл нь хувь хүний мэдээллийн ил тод байдалд халдалгүй зөвхөн томсгосон хүрээний статистик гаргах судалгааны зориулалтаар боловсруулагддаг тул дэлхийн олон оронд хэрэглэдэг технологи юм.

Судалгааны үр дүнд Монголын хамгийн өндөр хөлийн урсгалтай худалдааны төвийн эхний 3 байранд Шангри-Ла Молл, Улсын Их Дэлгүүр, И-Март зэрэг олон жилийн туршлагатай, хотын төв орчимд байршилтай, тогтвортой хэрэглэгчидтэй төвүүд эрэмбэлэгдсэн бол 4-рт  ердөө 1.5 жил үйл ажиллагаа явуулж буй Go to market худалдааны төв жагсжээ. Тэгвэл 5-50 жилийн түүхтэй газруудын араас бичигдэж эхэлсэн Go to market-н ялгарал юу байв.

Go to market - Нээгдээд ердөө 1.5 жилийн хугацаанд ТОП 4-т бичигдсэн шалтгаан

Улаанбаатар хотын Сүхбаатар дүүргийн хамгийн нягтаршил өндөртэй бүсэд байрлах “Go to market” худалдаа үйлчилгээний төв нь “Lifestyle & community center” концепцтой гэдгээрээ онцлог бөгөөд байршлын бүсдээ одоогоор 14,000 айл өрхөд оршин суудаг бөгөөд 2028 он  он гэхэд энэ тоо ойролцоогоор 25,000 болох тооцоололтой. Тийм ч учраас эдгээр давуу талууд нь хэрэглэгчийн урсгалыг тогтмол нэмэгдүүлж, хүний хөлийн урсгалын тоог ердөө 1.5 жилд л гэхэд өдөрт дунджаар 8,400 хүн тогтмол үйлчлүүлдэг болтол төвлөрүүлж чадсан бол энэ тоо тун удахгүй 13,000 болох юм.  Энэ нь хэрэглэгчид шинэ концепц, орчин үеийн зохион байгуулалт, шинэ төрлийн үйлчилгээтэй худалдааны орчныг идэвхтэй сонирхож буйг харуулж байгаа төдийгүй ийм хэмжээний хөлийн урсгалыг төвлөрүүлэх нь шинэ газруудын хувьд бараг боломжгүйд тооцогддог хэдий ч энэ нь Go to market-н байршлын давуу талтай шууд холбоотой гэж харж болохоор байна.

Хэрэв Go to market одоогийн өсөлтийн хурд, хэрэглэгчийн урсгалаа хадгалж чадвал байршлын давуу талаа үргэлжлүүлэн ашиглаж, үйлчилгээний төрөл, хүртээмжээ тасралтгүй нэмэгдүүлснээр ирэх жилийн үзүүлэлтээр ТОП 3 худалдааны төвийн тоонд орох бүрэн боломжтой гэдгийг судалгааны үр дүн харуулж байна.

Энэхүү судалгаа нь Монголд анх удаа дата дээр суурилсан бодит хөлийн урсгалын зураглалыг гаргаж өгснөөр:

●       Хэрэглэгчдийн жинхэнэ зан төлөв,

●       Байршлын стратегийн нөлөө,

●       Шинэ концепцийн амжилт,

●       Өсөлтийн потенциал зэрэг талуудыг бодитоор харууллаа.

Дата бидэнд юу хэлэв…

Энэхүү судалгааны үнэ цэн нь Монголд анх удаа том хэмжээний хөлийн урсгалыг бодит дата дээр суурилан зураглаж чадсанд орших ба үр дүнгээс харахад хэрэглэгчид олон жилийн туршлага, нэр хүндтэй төвүүдийг зорьсон хэвээр байгаагийн зэрэгцээ шинэ концепцтой худалдааны төвүүд богино хугацаанд хүчтэй өсөлттэй гарч ирж буйг тодорхой харуулав. Судалгаанд багтсан төвүүдийн энэхүү хөлийн урсгалын харьцуулалт нь нэг талаас иргэдэд үйлчилгээний газруудын бодит эрэлтийг мэдэх нөгөө талаас үйлчилгээний газруудад өрсөлдөөнөө нэмэгдүүлэх, үйл ажиллагаагаа сайжруулах, ялгарал гаргах зэрэгт чухал “мессеж” болох нь гарцаагүй юм.

Эх сурвалж: Мобиком Корпораци