Голомт Капитал ҮЦК-иас 2 дахь удаагаа зохион байгуулж буй “Golomt Capital Championship 2”  гадаад арилжааны уралдааны бүртгэл эхэллээ. Уг уралдаанд хөрөнгө оруулалтаа хамгийн өндөр хувиар өсгөсөн 3 ялагч тодрох ба нийт ₮350 саяын санхүүжилттэй гадаад арилжааны данс ашиглах эрх болон ₮20 саяын эзэн болох юм. 

Тодруулбал, Голомт Капитал ҮЦК-иас харилцагчдадаа дэлхийн хөрөнгийн зах зээлийн боломжийг нээх, мэдлэг олгох, хүртэх өгөөжийг нь нэмэгдүүлэх зорилгоор 2023 онд Монголын хамгийн өндөр дүнтэй буюу ₮100 саяын шагналын сантай “Golomt Capital Champoinship 90” гадаад арилжааны уралдааныг зохион байгуулж ялагчаар өөрийн хөрөнгө оруулалтаа 182.56%-иар өсгөж чадсан К.Манчук тодорсон билээ. Түүний ярилцлагыг ЭНД дарж сонирхоорой.

Бүртгэлийн хугацаа: 3 сарын 25-наас 6 сарын 16 

Үргэлжлэх хугацаа:  4 сарын 1-нээс 12 сарын 20

Хэрхэн оролцох вэ?

Гадаад зах зээлийн арилжаанд оролцогчид болон хөрөнгийн зах зээлийг сонирхон судалж буй хүн бүр оролцох боломжтой.

• Алхам 1: Голомт Капитал ҮЦК ХХК-д гадаад, дотоод үнэт цаасны данс нээлгэнэ,
• Алхам 2: Гадаад арилжааны дансны анхны хөрөнгө оруулалт нь $1,000 ба түүнээс дээш байна,
• Алхам 3: Оролцогч нь гадаад арилжааны апп (Interactive Brokers) ашиглан бие даан арилжаа хийнэ,
• Алхам 4: Багц бүрдүүлэх, Уралдаанд оролцогч нь олон улсын хөрөнгийн зах зээл дээрх бүтээгдэхүүнийг сонгон хөрөнгө оруулах боломжтой. (Хувьцаа, ETF...)

Ялагч болоход тань Монголбанкны Ерөнхий эдийн засагч Д.Ган-Очир, Эдийн засагч, судлаач Н.Энхбаяр, Олон улсын мэргэшсэн санхүүгийн шинжээч (CFA) Б.Хулан, Голомт Капитал ҮЦК-ийн Гүйцэтгэх захирал С.Ган-Эрдэнэ нарын мэргэшсэн хөрөнгө оруулалтын зөвлөхүүд болон Голомт Капитал ҮЦК-ийн шинжээчид зөвлөгөө, сургалт, мэдээллээр хангаж туслах аж.

Уралдааны үнэн бодит, хараат бус байдалд олон улсын Нексиа Аудит компанийн салбар Нексиа Глобал Монголиа Аудит ХХК хөндлөнгийн хяналт тавьж ажиллах юм.