Банкны тухай хуульд нэмэлт, өөрчлөлт орсноор аливаа банкны 1 хувьцаа эзэмшигч нийт хувьцааны 20%-иас дээш хувийг эзэмшихгүй байх заалт орсныг санаж байгаа биз ээ. Тэгвэл энэ заалтын хэрэгжилт, нөлөө юу болж байна вэ?
Хэрэгжилт ➡️ “0”
Уг заалт нь бүх арилжааны банкнуудад хамаатай. Улмаар 12 банкны нөлөө бүхий хувьцаа эзэмшигчид өөрчлөгдөх хэрэгтэй болсон гэсэн үг. Уг нь бол тус заалтыг 2023 оны 12 сарын 31-ний өдрийн дотор хангаагүй банкны хувьцаа эзэмшигчийн хуульд заасан эрхүүдийг түдгэлзүүлэхээр тусгасан. Гэтэл одоо ч бүх банканд 20%-иас дээш хувийг эзэмшигч бий.
Хохирол = $1.3 тэрбум
Монголын Банкны Холбооны уулзалтаар томоохон банкнуудын төлөөллүүд банкнууд хугацаандаа хувь эзэмшлээ задлах заалтыг биелүүлээгүй тул $1.3 тэрбумын зээлийн санхүүжилт эргэн татагдах нөхцөл байдал үүсээд байгааг дурдсан.
Шийдэл нь юу байх вэ?
Банкнууд уг заалтыг хэрэгжүүлэхийн тулд гаднын хөрөнгийн биржид хувьцаагаа нээлттэй арилжаалах сонголт үлдэж байна. Гэхдээ Лондон, Сингапур, Нью-Йоркийн хөрөнгийн биржид бүртгүүлье гэвэл наанадаж 3-4 жилийн бэлтгэл ажил шаардлагатай. Иймдээ ч Capital Markets Mongolia компани “Монголын хөрөнгө оруулалтын долоо хоног: Нью-Йорк” арга хэмжээг зохион байгуулж Монголын банкнууд тус бирж дээр IPO хийх боломжийн талаар санал солилцсон.
Эцэст нь… Одоо сонгууль ч дөхлөө. Энэ хуулийн өөрчлөлтийн асуудал юу болдог бол доо?
Сэтгэгдэл
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд lemonpress.mn хариуцлага хүлээхгүй.