Амласан ёсоор энэ дугаарт NFT коммюнитигийн хамгийн том эвэнт болох ApeFest-д MongolNFT оролцож Wolfest арга хэмжээгээ зохион байгуулсан талаар бэлтгэн хүргэж байна. 

The Wolfest in Hongkong

Хонгконгт болсон тус арга хэмжээний үеэр ганц Монголоос буюу Wolfest л давхар арга хэмжээ болон зохион байгуулсныг мэдсэн үү? Яагаад үүнийг онцолж байгаа вэ гэхээр МоngolNFT ОУ-ын 2,000 гаруй NFT сонирхогчдын овоо хараанд өртөөд амжсан нь Монголын NFT төслүүд дэлхийн зах зээлд гарахад нэг шат ахисан үйл явдал болоод буй. Танигдаад авбал учиртай…

• Сонирхуулахад, ApeFest-н зохион байгуулагч Yuga Labs-н CEO Даниел Алегре Wolfest-д биечлэн оролцож MongolNFT-н хэрэгжүүлж буй төслүүдтэй танилцсан аж. NFT сонирхогчид дунд түүнийг танихгүй бол нүгэл болно биз дээ. 

Гол төсөл Wolves NFT

Түүнчлэн Wolfest арга хэмжээний үеэр MongolNFT Wolves NFT-гээ гол төсөл болгон танилцуулсан бөгөөд 200 гаруй NFT цуглуулагчид MongolNFT-н мерч бүтээгдэхүүнтэй болж 20 орчим нь Wolves NFT-р түрийвчээ солонгоруулсан ч сурагтай. 

• Үүгээр зогсохгүй Wolves NFT эзэмшигчдийн ихэнх нь BAYC, MAYC, Meebits зэрэг дэлхийн хамгийн үнэтэй NFT эзэмшигчид байсан гэнэ. Түүнчлэн Wolfest-г MongolNFT NFT ертөнцийн түүчээлэгч Meebits-тэй хамтран зохион байгуулсан гэдгийг онцлох нь зүйтэй болов уу. 
• Түүнчлэн MongolNFT-с BAYC, Meebits-н NFT эзэмшигчид дунд “Steppe to the sky” гэх Монгол руу аялах хөтөлбөрөө танилцуулаад амжсан. Тус төсөл ирэх зунаас хэрэгжиж эхлэх сурагтай байгаа. Юм хөгжинө өө гэж! NFT-г аялал жуулчлалын хэрэгсэл болгон ашиглах нь байна шүү дээ. 😎

За тэгээд хөгжил дэвшлийн цуваанд хамтдаа гэдэг шиг MongolNFT-д дэлхийн зах зээлд гарах сонирхолтой төслүүд дээр ажиллаж байгаа гэнэ шүү. Хүлээж байя даа.