Олон улсын эрчим хүчний агентлаг (IEA)-ийн гишүүн орнууд Оросоос авах газрын тосны импортоо багасгах талаар яриад эхэлжээ. 

Уг арга нь Орост дарамт болох уу?

• Нийт экспортын бараг 1/4 нь газрын тос: Орос нь дэлхийн томоохон газрын тосны олборлогчдын нэг бөгөөд өдөрт бараг 11 сая баррель газрын тос олборлож түүнийхээ тал буюу 5-6 сая баррелийг нь бусад зах зээлд экспортолдог гэнэ. Өнгөрсөн онд Оросын газрын тос болон байгалийн хийн экспорт нь нийт экспортын 22.5%-г бүрдүүлжээ. Газрын тосны экспорт нь $110 тэрбум хүрсэн ба байгалийн хийн экспортоос нь 2 дахин их дүн юм. 
• Худалдан авагч олдох болов уу? Оросын газрын тос нь хүхэр болон бусад хольцтой байдаг тул хүссэн орон нь экспортолж авах боломжгүй аж. Түүнчлэн IEA-ийн гишүүн орнууд Оросоос газрын тос авахаас татгалзвал тэд газрын тосны экспортын 60%-ийг алдах ба Азийн зарим боломжит улсууд голлох худалдан авагч нь болох боломжтой гэнэ. Тэдний төлөөлөл Хятад нь Оросоос өдөрт 1.6 сая баррелийг импортолдог бол Энэтхэг, Тайланд зэрэг орнууд ч мөн худалдан авагч болох боломжтой юм.

Нөгөө талдаа

• Тэд Оросоос хамааралтай биш: IEA-ийн гишүүн 31 орон газрын тосны нийлүүлэлт Оросоос хамааралтай биш гэсэн дохио өгөхийн тулд стратегийн нөөцөөсөө 60 сая баррель газрын тос зах зээлд нийлүүлэх гэнэ. Учир нь IEA-ийн зарим гишүүн улс нь Европын холбоонд хамааралтайгаас гадна Оросын экспортын 60% нь Европруу гардаг аж.
• Орхигдсоор: Оросын үүсгээд буй нөхцөл байдлыг British Petroleum (BP), Shell (SHEL), Exxon Mobil (XOM) зэрэг уг салбарын томчууд буруутган тус улс дахь хөрөнгө оруулалтуудаа зогсоож байгаагаа мэдэгджээ. Ингэснээр Орос газрын тосны зах зээл дэх байр сууриа алдаж магадгүй нөхцөл байдал нэмэгдэж байгаа бөгөөд тэдний өрсөлдөгчдөд уг байр суурийг эзлэх боломжийг олгож буй.