Санхүү Эдийн Засгийн Их Сургуулиас зохион байгуулдаг Financial Elites International Conference & Networking Event нь энэ жил гурав дахь удаагаа зохион байгуулагдаж, олон улсын санхүүгийн мэргэжилтнүүд, удирдах ажилтнууд болон салбарын экспертүүдийг нэг дор цуглуулах гэж байна.

Энэ удаагийн үйл ажиллагаа нь хиймэл оюунд суурилсан дижитал шилжилтийн хүрээнд санхүүгийн салбарт гарч буй өөрчлөлт, шинэ чиг хандлагыг онцлон авч үзэх бөгөөд санхүүгийн тайлагнал, аудит, өгөгдлийн шинжилгээ, эрсдэлийн удирдлага, стратегийн шийдвэр гаргалтад үзүүлж буй нөлөөллийг хэлэлцэнэ. Оролцогчид дижитал эринд хэрхэн дасан зохицож, манлайлан ажиллаж, үнэ цэн бүтээх талаар бодит ойлголт, туршлага солилцох боломжтой.

Мөн ACCA, CGMA, CIA, CIMA, AICPA, CFA, CMA, CISA зэрэг олон улсад хүлээн зөвшөөрөгдсөн мэргэжлийн зэргүүд нь хиймэл оюунд суурилсан шилжилтийн үед мэргэжилтнүүдийг техникийн мэдлэг, стратегийн сэтгэлгээ, ёс зүйтэй шийдвэр гаргалтад хэрхэн бэлтгэж буйг онцлон танилцуулах болно.

Энэхүү арга хэмжээнд хүрэлцэн ирснээр санхүүгийн салбарын элитүүдтэй уулзаж NETWORKING хийх боломжтой.Тасалбарын тоо хязгаартай.

Хэзээ: 5 сарын 7
Хаана: Галлериа Улаанбаатар төвийн 3 давхарт, Juulchin Ballroom
Бүртгэлийн холбоос: https://forms.office.com/r/tX49CdbpNZ
Event-ийн холбоос: https://www.facebook.com/share/1C3m4VSn8u/

Эх сурвалж: Санхүү Эдийн Засгийн Их Сургууль