Туул гол орчмын хог хаягдлыг цэвэрлэх, байгаль орчин болон усны нөөцийг хамгаалахад оюутан залуусын идэвх оролцоог нэмэгдүүлэх зорилготой CLEAN UP төсөл 9 сарын 16-нд буюу Дэлхийгээ цэвэрлэх өдрийг тохиолдуулан “Туул голоо цэвэрлэе” өдөрлөгийг амжилттай зохион байгууллаа.

• Цар хүрээ: Өдөрлөгт ЕБ-ын 26 сургуулийн ахлах ангийн сурагчид болон 10 их сургуулийн оюутнууд нэгдэн Туул голын ай сав дагуу Дунд гол, Бэлх гол, Улиастай гол, Зайсангийн гүүр, Маршалын гүүр болон Баянзүрхийн гүүр зэрэг 12 байршилд цэвэрлэгээ хийсэн байна.

Түүнчлэн уг өдөрлөгийг БОАЖЯ, МЗХ болон Туул голын сав газрын захиргаанаас санаачилсан ба "Оюу толгой ХХК" оюутан залуусыг дэмжин, автобусаар ханган хамтран ажиллажээ.