Монголын зочлох үйлчилгээний салбарын түүхэнд бахархалтай нэгэн хуудас нэмэгдлээ. 2026 оны 10-р сарын 5-нд Ibis Styles Ulaanbaatar зочид буудал аялал жуулчлалын байгууллагуудын тогтвортой үйл ажиллагааг үнэлдэг олон улсын нэр хүндтэй “Green Globe” гэрчилгээг хүртэж, энэхүү гэрчилгээг авсан Монголын анхны зочлох үйлчилгээний байгууллага боллоо.

Энэ бол зөвхөн нэг зочид буудлын амжилт биш. Монголын HORECA салбар олон улсын тогтвортой байдлын шалгуурыг хангах чадвартай, дэлхийн жишигт хүрэх бүрэн боломжтой гэдгийг бодитоор нотолсон үйл явдал юм.

“Green Globe” гэж юу вэ?

“Green Globe” нь аялал жуулчлал, зочлох үйлчилгээний байгууллагуудын тогтвортой үйл ажиллагааг олон улсын шалгуураар үнэлж, баталгаажуулдаг хөтөлбөр юм. Үнэлгээ нь зөвхөн байгаль орчныг хамгаалах асуудлаар хязгаарлагдахгүй бөгөөд байгууллагын засаглал, нийгмийн хариуцлага, ажилтнуудын сайн сайхан байдлыг цогцоор нь хамардаг. Өөрөөр хэлбэл, энэ гэрчилгээг авах нь байгууллагын үйл ажиллагааны бүх түвшинд хариуцлагатай, ухаалаг шийдэл хэрэгжиж байгааг илтгэнэ.

Тэгвэл “Ibis Styles Ulaanbaatar” энэ өндөр босгыг хэрхэн давсан бэ?

1. Тогтвортой байдал барилгын зургаас эхэлдэг

Ихэнх байгууллага тогтвортой байдлын тухай үйл ажиллагаа эхэлсний дараа ярьдаг бол “Ibis Styles Ulaanbaatar” үүнийг барилгын зураг төсөл, инженерийн шийдлийн шатнаас эхлүүлжээ. Италийн “Termigas” компанитай хамтран бүтээн байгуулалтын үеэсээ эрчим хүч, ус, дулааныг хэмнэх шийдлүүдийг нэвтрүүлсэн нь урт хугацаанд нөөцийн хэрэглээг мэдэгдэхүйц бууруулах суурийг тавьсан байна. Үр дүн нь тоогоор ч тод харагддаг. Олон улсын санхүүгийн корпорацийн (IFC) “EDGE” үнэлгээгээр тус барилга эрчим хүчний хэрэглээгээ 25.29%, усны хэрэглээгээ 39.9%-иар бууруулж байгаа үзүүлэлттэй гарсан. Дулаан алдагдлыг багасгах барилгын хийц, эрчим хүчний хэмнэлттэй хөргөлтийн систем, үр ашигтай ус халаах бойлер, эрчим хүчний хэмнэлттэй лифт зэрэг шийдлүүдийн ачаар жилд ойролцоогоор 541 тн нүүрсхүчлийн хийн ялгарлыг бууруулахад хувь нэмэр оруулж байна.

2. Бага хаягдал, илүү ухаалаг хэрэглээ

Зочид буудлын өдөр тутмын үйл ажиллагаа их хэмжээний савлагаа, нэг удаагийн хэрэглээ дагуулдаг. “Ibis Styles Ulaanbaatar” энэ асуудлыг энгийн атлаа үр дүнтэй шийдлээр зохицуулжээ. Жижиг савлагаатай ариун цэврийн хэрэгслийг дахин дүүргэдэг савлагаагаар сольж, нэг удаагийн нэмэлт хэрэгслийг зөвхөн зочны хүсэлтээр олгодог болсон. Мөн хуванцар, шил, лааз, цаас, батерей, ашигласан хоолны тосыг ангилан ялгаж, дахин боловсруулах байгууллагуудад хүлээлгэн өгч байна. Энэ нь зочдын тав тухыг алдагдуулалгүйгээр хог хаягдлыг зохистой удирдах боломжтойг харуулж буй сайн жишээ юм.

Вэбсайт: https://all.accor.com/hotel/9808/index.en.shtml
Facebook: https://www.facebook.com/ibisstylesulaanbaatarpolaris

Эх сурвалж: Ibis Styles Ulaanbaatar зочид буудал