Технологийн тэргүүлэгч групп компаниудын нэг болох Интелмайнд ХХК саяхан Хятадын Алибаба групптэй хамтын ажиллагаа эхлүүлснээ зарлаж байсан бол энэ удаад өөрсдийн үүсгэн байгуулсан технологийн компани болох Коди ХХК-ийн цахим худалдааны технологийн үйлчилгээг Төв Азид нийлүүлж эхэллээ.

Тэдний цахим худалдааны технологи нь улс хоорондыг холбосон худалдан авалт хийх боломжтойгоороо хамгийн онцлог бөгөөд орчин үеийн цахим торгоны замын худалдааны өргөн боломжийг бий болгох том зорилготой ажиллаж байгаа аж.

Коди ХХК нь сүүлийн жилүүдэд Fly Asia best 50 буюу Азийн шилдэг 50 технологийн компани, мөн EBRD Star venture, Google for Silkway accelerator хөтөлбөрүүдэд тус тус шалгарсан амжилттай яваа старт-ап компани юм.

Тэд Узбекистаны банк, төлбөр тооцоо, агуулах, логистикийн компаниудтай технологийн холболтуудаа бүрэн хийж гадаадын зах зээлд амжилттай нээлтээ хийжээ. 

Одоогоор дотоодын том хэмжээний 140 гаруй худалдаа, үйлчилгээ эрхлэгчид Коди системийг ашиглаж 1.8 сая хүнд цахим худалдааны үйлчилгээ үзүүлэхийн зэрэгцээ тэдний технологийн үйлчилгээг авснаар тэдгээр компани гаднын технологи ашиглаж, жилд  $2.5 орчим сая, сүүлийн 4 жилийн хугацаанд ойролцоогоор $10 сая доллар гадаад зах зээл рүү гарах байсныг Монголдоо авч үлдэж байгаа гэсэн баримт байна.

Интелмайнд болон Коди компаниуд Төв Ази дахь энэхүү үйлчилгээг цаашид тэлэх чиглэлээр ажиллаж байгаа бөгөөд Узбекистанд нийлүүлээд байгаа монгол залуусын технологитой та бүхэн tut.uz холбоосоор орж танилцаарай.

Уншигч та бүхэн тус компанийн илүү дэлгэрэнгүй мэдээлэл авахыг хүсвэл https://cody.mn холбоосоор холбогдох боломжтой.

Эх сурвалж: cody.mn