Дарсны хэрэглээ Монголд сүүлийн 30 гаруй жилийн хугацаанд эрчимтэй хөгжсөөр үйлчилгээний салбарт зохих байр сууриа хэдийн эзэлжээ. Энэ хугацаанд дарс импортлогчид дарсны анхан шатны сургалт амталгааг тогтмол явуулж, согтууруулах ундааны зөв зохистой хэрэглээг таниулсаар ирсэн билээ. 

Өндөр хөгжилтэй орнуудад дарсны соёл болон үйлчилгээ өндөр түвшинд хөгжсөн байгаа нь түүгээр  үйлчилдэг мэргэжилтнүүдийн  мэдлэг ур чадвартай шууд холбоотой юм. Монголын хувьд үйлчилгээний салбарт ажиллаж буй залуучуудын мэдлэг, ур чадвар жил бүр өсөж байгаа ч дэлхийн мэргэжилтнүүдтэй хөл нийлүүлэн хөгжих, дараагийн шатандаа гарах зайлшгүй шаардлага тулгарч буй. 

Тиймээс дарсны мэргэжилтний ур чадварыг нэмэгдүүлэх, мэргэжлийн дэмжлэг үзүүлэх зорилготой World Wine компанийг үүсгэн байгуулагч, Францын Хүлэгт баатар (Chevalier La Legion D`Honneur 2020) шагналт, тус улсын Сайнт Эмилион (Jurade de Saint-Emilion 2024) дарсны хүндэт элч төлөөлөгч хатагтай Цолмонгийн Түвшинбаярын санаачилгаар Монголын Сомельерын холбоо шинээр үүсгэн байгуулагдаад буй. Тус холбоо нь дарсны зөв соёлтой зохистой хэрэглээг таниулах, түүгээр үйлчилдэг дарсны мэргэжилтнүүдийн мэдлэгийг улам нэмэгдүүлэх, ур чадварыг хөгжүүлэн Төв Ази, Ази цаашлаад дэлхийн түвшинд хүрэхэд нь дэмжлэг үзүүлэхэд оршино.

Уг зорилгын хүрээнд Монголын Анхдугаар Сомельерын тэмцээнийг Төв Азийн Дарсны Их Сургууль (CAWU)-тай хамтран “Тал Нутгийн Сомельер” нэрийн доор зохион байгуулах гэж буй.  Энэ хүрээнд Олон Улсын Сомельерын Холбооноос гаргасан удирдамжийн дагуу Төв Азийн Дарсны их сургуулийн үүсгэн байгуулагч, Гүйцэтгэх захирал, 9-н жил багшилсан туршлагатай ноён Артём Лебедев Монголд айлчлан ирж, 3 өдрийн эрчимжүүлсэн сургалт болон тэмцээнийг удирдан явуулах юм. Энэхүү тэмцээн нь Монголын дарсны салбар тэр дундаа үйлчилгээний салбарын  ирээдүйд шинэ хуудас нэмэхийн сацуу “сомельер” гэх мэргэжлийн хөгжилд бодит хувь нэмрээ оруулах чухал алхам болох юм.

Сомельер (Sommelier) гэж хэн бэ? 

Энэ нь дарс хэмээх ундааны бүх төрлийг гаргууд мэддэг, олон талаас нь судлан таньсан, зочид, үйлчлүүлэгчдэд дарсаа тайлбарлаад зогсохгүй, зөвлөгөө өгөх, түүнтэй тохирох ямар хоол зохицох талаар мэдлэг эзэмшиж мэргэшсэн зөөгч, дарсны үйлчилгээ, соёлыг түгээгч мэргэжилтэн юм. Харин сайн сомельер гэж дарс болон бусад согтууруулах ундаа уух зүйлсийг зөв хэмжээгээр, хүртээмжтэй, мэргэжлийн болон тааламжтай хөгжилтэй үйлчилгээг үзүүлэх чадвартай мэргэжилтнийг хэлдэг аж.

Уг тэмцээнд оролцсоноор:

1. Мэргэжлийн ур чадвар нэмэгдэх: Дарсны мэдлэгээ өргөжүүлэх,  дарсны сонголт хийх, хоолтой хослуулах ур чадвараа хөгжүүлж, Сомельерийн мэргэжлийн мэдлэгтэй болох боломжтой.
2. Дарсаар үйлчлэх ур чадвар нэмэгдэх: Дарсаар үйлчлэх ур чадвараа хөгжүүлэх,
3. Дарсны мэргэжилтний сүлжээ үүсгэх боломж: Мэргэжлийн хүрээлэл бий болж, цаашид холбооноос явуулах үйл ажиллагаанд цаг алдалгүй оролцох,
4. Туршлага хуримтлуулах: Оролцогчид практик сургалтууд, сорилтууд болон тэмцээнээр дамжуулан бодит нөхцөлд өөрийн мэдлэг, ур чадварыг дээшлүүлэх болно.

📍 Хаана: Новотел зочид буудлын, 4 давхарт
📅 Хэзээ: 5 сарын 5-наас 5 сарын 8 хүртэл нийт 4 өдөр үргэлжилнэ. 

• Эхний 3 өдөр: Вакумжуулсан дарсны сургалт (онолын мэдлэг, дарсны амталгаа), дарсны үйлчилгээ (дарсаар зөв үйлчлэх дадлага ажил)
• Сүүлийн өдөр: Эхний 2 шатны шалгаруулалт ба финалын шат.

Тэмцээнд оролцогчдыг дараах шалгуураар үнэлнэ:

1. Дарсны мэдлэг: Дарсны тухай мэдлэг, амтлах аргачлал
2. Сомельерийн ур чадвар

Хамрах хүрээ:

• Зочлох үйлчилгээний салбарын ажилтнууд
• Худалдааны байгууллагын худалдааны зөвлөхүүд
• Дарсанд дурлагч, дарсаар үйлчлэгч залуучууд (+21 нас хүрсэн байх)

Шалгаруулалтын үе шат:

• Эхний шалгаруулалт
• Хагас Финал
• Финалын шат: Дарсны үйлчилгээгээр хамгийн өндөр оноо авсан 3 оролцогч Финалын шатанд оролцоно

🏆 Шагнал:

• Тэргүүн байр: Цом, батламж, Баку хотод болох Төв Азийн Сомельерын тэмцээнд оролцох эрх, зардал
• Дэд байр: Батламж, нэр хүнд бүхий дарс болон дарсны үйлчилгээний тусгай хэрэгсэл, Төв Азийн Сомельерын тэмцээнд оролцох эрх, зардал
• Анх удаагаа оролцож буй нийт оролцогчдод сургалтын сертификат олгоно.

Энэхүү тэмцээний ивээн тэтгэгчээр LGCF, Новотел зочид буудал, World Wine, Mongol Gourmet, Clarence Dillion wines, Millenia ус, MSM Betastar, Enoteca зэрэг салбартаа тэргүүлэгч компаниуд оролцож буй.

🔗 Дэлгэрэнгүй мэдээллийг ЭНД дарж аваарай. 

Эх сурвалж: World Wine