Монложистикс Холдинг (MLG) ХК нь нээлттэй компанийн хүрээнд хувьцаа эзэмшигчид болон хөрөнгийн зах зээлийн нийт оролцогчдод мэдээллээ илүү нээлттэй, ил тод хүргэж, тэдгээртэй хэрхэн зөв харилцаатай байх тал дээр онцгой анхааран ажиллаж байгаа билээ.

Үүний хүрээнд Монложистикс Холдинг ХК хөрөнгө оруулагчидтай харилцах (investor relation) функцээ сайжруулах зорилгоор мэргэжлийн судалгаа, зөвлөх үйлчилгээний компани болох Сapital Мarket Мongolia компанитай хамтын ажиллагааг эхлүүллээ.

Тус зөвлөх үйлчилгээний хүрээнд хөрөнгө оруулагчидтай харилцах суваг, календарь боловсруулах, хөрөнгө оруулалтын түүх, хөрөнгө оруулагчдад зориулсан танилцуулга, стратеги боловсруулах зэрэг цогц ажлууд хийгдэх юм.

Ингэснээр хөрөнгө оруулагчдадаа илүү мэргэжлийн олон улсын жишигт нийцсэн мэдээ мэдээллийг хүргэж, хөрөнгийн зах зээлийг хөгжүүлэхэд хувь нэмрээ оруулж байна.

Монложистикс Холдинг ХК нь 2023 оны 9-р сард хувьцаагаа олон нийтэд амжилттай болгосноор логистикийн салбарын анхны ХК болсон.

Монложистикс Групп нь 2005 онд тээвэр зуучийн чиглэлээр үйл ажиллагаагаа эхлүүлж байсан бол өдгөө 1 толгой компани, 9 охин компани, 180 орчим ажилтан, 163 орны 800 гаруй харилцагч түнш, дотоодын 1,500 гаруй үйлчлүүлэгчтэй Монголын тээвэр логистикийн салбарын тэргүүлэгч байгууллага болсон байна.

Эх сурвалж: Монложистикс Холдинг ХК