Өнгөрсөн 9-р сард Төрийн банк (SBM) анхны гадаад бондоо Сингапурын хөрөнгийн бирж дээр арилжаалж, $200 саяыг амжилттай татан төвлөрүүлсэн билээ. Санхүүжилтээ юунд зарцуулах бол? 

🧩 ¼ нь ногоон ирээдүйн төлөө…

Нийт санхүүжилтийн ¼ буюу $50 сая нь тогтвортой хөгжил, ногоон ирээдүйг санхүүжүүлэхэд зарцуулагдана. Одоогийн байдлаар Төрийн банк ХК хэрэглэгчдэдээ ногоон бизнесийн болон хэрэглээний зээл, орон сууцны, ногоон төслийн зээл гэхчлэн 5 чиглэлд ногоон зээлийн бүтээгдэхүүнийг санал болгож буй. Өөрөөр бол, тус зээлүүдийг санхүүжүүлэх $SBM-н ногоон санхүүжилтийн эх үүсвэр $50 саяар нэмэгдэж байна гэсэн үг. Харин санхүүжилтийн үлдсэн хэсгийг энгийн арилжааны зээлийг санхүүжүүлэх, зээлийн хүртээмжийг нэмэгдүүлэхэд зарцуулах ажээ.

• 💬 Ерөнхийдөө Төрийн банк ХК 2030 он гэхэд нийт зээлийн багцынхаа 10%-ийг ногоон болгох амлалтаа биелүүлэхээр эрчимтэй ажиллах болсон. Тодруулбал, 2024 онд биржийн бус зах зээл (ББЗЗ)-д анхны ногоон бондыг гаргаж, Зээлийн батлан даалтын сантай ногоон зээлийн чиглэлд хамтран ажиллахаар болсны сацуу ногоон харилцах, хадгаламж, ногоон орон сууцны, ногоон бэлтгэн нийлүүлэгчийн зээл гэхчлэн 6 шинэ бүтээгдэхүүн нэвтрүүлжээ.

👀 Гадаад санхүүжилт

Төрийн банкны хувьд 2018 оноос эхлэн гаднаас санхүүжилт татаж эхэлсэн түүхтэй. Өдгөө гаднаас татсан санхүүжилтийнх нь 14%-ийг ногоон санхүүжилт бүрдүүлэх болжээ. Өнгөрсөн онд тус банкны 15 жилийн ой тохиож, ирэх 15 жилийн стратегидаа ногоон хөгжлийг дэмжигч банк болох зорилтыг нэмж байгаагаа танилцуулж байв. 

• 👆 Одоогоор $SBM-н зээлжих зэрэглэл Moody’s агентлагийн үнэлгээгээр B1/Тогтвортой түвшинд байгаа. Мөн сүүлийн 2 жилд Монгол Улсын зээлжих зэрэглэл тогтвортой өсөж буй нь банк, санхүүгийн байгууллагуудад гаднаас хөрөнгө оруулалт татах, санхүүжилтээ нэмэх хүлээлт үүсгэж буй.

Эцэст нь… Банкны салбар уур амьсгалын өөрчлөлтөд хувь нэмрээ оруулж, ногоон зээлийн хэмжээгээ 10%-д хүргэхээр эрчимтэй хөдөлж байна даа. Энгийнээр тогтвортой хөгжлийн, ногоон төслүүдийн зээлийн олдоц нэмэгдсээр байх төлөвтэй дэг шүү.