Автомашин сонирхогчдын дунд хүлээлт үүсгэж буй Lexus брэндийн бүрэн шинэчлэгдсэн GX загварын автомашины Монгол дахь албан ёсны нээлт 5 сарын 25-ний өдөр болох гэж байна. Тус автомашины нээлтэд зориулж Lexus брэндийн зүгээс Улаанбаатар хотноо “GX Experience Space” нэртэй үзүүлэнгийн байгууламжийг бүтээн босгож буй бөгөөд 5 сарын 25-ний өдрөөс эхлэн 6 сарын 8-ийг дуустал 14 хоногийн хугацаанд олон нийтэд нээлттэйгээр байрших ажээ.

GX Experience Space гэж юу вэ? 

120 мянгат, ХААН Банк цамхгийн урд талбайд байрлах “GX Experience Space” байгууламж нь шинэ загварын GX автомашиныг өөрийн биеэр үзэж сонирхож, танилцах боломжтой зай талбай, мөн түүнийг тойрсон проекторын технологи ашиглан бүтээсэн өрөөний зохион байгуулалттай байхаар төлөвлөгджээ.

Ингэснээр зочлон ирсэн хүмүүст хөл хөдөлгөөн ихтэй, завгүй амьдралын хэмнэл бүхий хотын төв хэсгээс GX автомашины хамт өөр орон зай руу шилжсэн мэт мэдрэмжийг төрүүлэх юм гэнэ шүү. Олон улсад ийм байгууламжийг “Immersive space” эсвэл “Immersive room” гэж нэрлэдэг бөгөөд проекторын тусгалыг ашиглаж дотор байгууламжийн хана, дээвэр, шал гэх мэт хүрээлэн буй талбайд тусгайлан бэлдсэн дүрсийг тохирох ая хөгжмийн хамт цацаж, зочдод орчинтойгоо нэгдэн уусах боломжийг олгодог байна.

Тэгэхээр зөвхөн гаднын том нэгдлүүдийн бүтээдэг дижитал музей, үзэсгэлэнгийн газруудтай ижил байгууламжтай Монголдоо танилцах боломж бидэнд тун удахгүй нээлттэй болох нь ээ.

Ердөө нээлтийн 14 хоногийн хугацаанд байрших тул Lexus брэндийн зүгээс Улаанбаатар хотноо хэрэгжүүлж буй хамгийн сонин содон, чамин ажлуудын нэгтэй амжиж танилцаарай.

Lexus GX автомашины үзүүлэнгийн “Experience Space” байгууламж

Байршил: 120 мянгат, Khan Tower оффисын урд талбайд, морьтой хөшөөний хойно

Хугацаа: 5 сарын 25 -наас 6 сарын 8 дуустал

Автомашины нээлттэй холбоотой дэлгэрэнгүй мэдээллийг дараах хуудсаас аваарай:  

Монгол дахь албан ёсны дистрибьютер : Lexus Mongolia

Албан брэндийн албан ёсны дилерүүд : Lexus-Tavan Bogd, Lexus Munkhada