ХААН Банк ХК (KHAN)-ийн Төлөөлөн удирдах зөвлөлийн 3 сарын 13-ны 06 тоот тогтоолын дагуу хувьцаа эзэмшигчдийн ээлжит хурлыг зарлалаа.

Компанийн оноосон нэр: ХААН Банк ХК

Хурал болох газар: Монгол Улс, Улаанбаатар хот, Сүхбаатар дүүрэг, 3 дугаар хороо, Сөүлийн гудамж-25, Сөүл оффисын 1 давхар, ХААН театр

Хурал болох өдөр, цаг: 2024 оны 4-р сарын 23-ны өдрийн 14:00 цаг (Хуралд танхимаар оролцох хувьцаа эзэмшигч хурал эхлэхээс 1 цагийн өмнө ирж бүртгэл хийлгэнэ)

Хурлын хэлбэр: Хосолсон (танхим болон зайнаас)

Хуралд оролцох эрхтэй хувьцаа эзэмшигчдийн нэрсийн жагсаалт гаргах бүртгэлийн өдөр: 2024 оны 4-р сарын 5-ны өдөр

Хурлаар хэлэлцэх асуудал

Танилцуулах асуудал: 

• ХААН Банкны 2023 оны үйл ажиллагааны болон санхүүгийн тайлангийн танилцуулга,
• ХААН Банкны хувьцаа эзэмшигчдэд ногдол ашиг хуваарилах тухай танилцуулга,
• 2023 оны чанаргүй зээлийг холбогдох эрсдэлийн сангаас хаасан тайлангийн танилцуулга,
• ПиДаблюСи аудит ХХК-ийн банкны 2023 оны аудитлагдсан санхүүгийн тайлангийн дүгнэлтийн танилцуулга.

Хэлэлцэх асуудал:

• Тус ээлжит бус хурлаар  2023 оны үйл ажиллагааны болон санхүүгийн тайлангийн талаарх ТУЗ-ийн дүгнэлтийг хэлэлцэж батлах,

• ТУЗ-ийн 2023 оны ажлын тайлангийн танилцуулга,
• 2024 оны зардлын төсвийг хэлэлцэж батлах,
• ХААН Банкны "Төлөөлөн удирдах зөвлөлийн үйл ажиллагааны журам”-ын төслийг хэлэлцэж батлах.

Хувьцаа эзэмшигчдийн танилцах баримт бичгийн жагсаалт:

• Хувьцаа эзэмшигчдийн ээлжит хурлын дэг,
• ХААН Банкны 2023 оны үйл ажиллагааны болон санхүүгийн тайлангийн танилцуулга,
• ТУЗ-ийн 2023 оны ажлын тайлангийн танилцуулга,
• ТУЗ-ийн 2024 оны зардлын төсвийн танилцуулга,
• ХААН Банкны Төлөөлөн удирдах зөвлөлийн үйл ажиллагааны журмын төсөл,
• Хувьцаа эзэмшигчдийн ээлжит хурлаар хэлэлцэх асуудалд санал өгөх саналын хуудас,
• Хувьцаа эзэмшигчдийн ээлжит хурлын тогтоолын төсөл,
• Компанийн тухай хуулийн 65.6-д заасан шаардлагатай бусад бичиг баримт.

Хувьцаа эзэмшигч та 4 сарын 15-аас эхлэн ажлын өдрүүдэд 10:00-17:00 цагийн хооронд өөрт тохиромжтой дараах газрууд болон www.khanbank.com цахим хуудсаар дамжуулан хурлын материалтай танилцах боломжтой.

• Өөрийн үйлчлүүлдэг үнэт цаасны компани,
• Монгол Улс, Улаанбаатар хот, Хан-Уул дүүрэг, Стадион оргил 1, Чингисийн өргөн чөлөө-6-д байрлах ХААН Банк цамхаг,
• Хурал зохион байгуулах комиссын утас: 75153333-3221, 99007781, 86588877,
• Цахим шуудан: [email protected].

Хуралд биечлэн буюу танхимаар оролцох боломжгүй хувьцаа эзэмшигч урьдчилан санал өгөх боломжтой бөгөөд саналын хуудсыг бөглөн өөрийн үйлчлүүлдэг брокер дилерийн компаниар дамжуулан эсвэл Монгол Улс, Улаанбаатар хот, Хан-Уул дүүрэг, Стадион оргил 1, Чингисийн өргөн чөлөө-6-д байрлах ХААН Банк цамхаг, орон нутаг дахь салбар нэгжүүдээр өгөх, эсхүл цахим хэлбэрээр ХААН Банкны цахим хуудас www.khanbank.com-р дамжуулан өгөх ба саналын хуудсыг авах сүүлийн хугацаа 2024 оны 4-р сарын 19-ний өдрийн 16:00 цаг байна.

"ХААН Банк" ХК