Өнгөрсөн жилийн хугацаанд дэлхий даяар $5.9 их наядын M&A хэлэлцээр хийгдэж сүүлийн 10 жилийн дээд түвшинд хүрсэн бол энэ онд шалдаа буув. Юу болоод байна? 

• M&A: Энэ нь “Mergers and Acquisitions” гэсэн үгний товчлол бөгөөд нэг компани нөгөө компанийг шууд худалдан авах, нэгдэж шинэ компани байгуулах, эсвэл бизнесээ нэгтгэх үйл явц юм. 

Үйл явдлыг тагнуулдваас 🔍

Энэ оны дэлхий даяарх M&A хэлэлцээрийн хэмжээ жилийн өмнөхөөс 37.9% буурч $3.66 их наяд болсон. 

• Шалтгаан: Геополитикийн хурцадмал байдал, инфляцын түвшний өсөлт нь төв банкнуудыг бодлогын хүүгээ өсгөхөд хүргэж улмаар хүүгийн түвшин нэмэгдэн томоохон компаниуд тэлэх амбицаасаа татгалзахад хүрэв.
• Оны хамгийн алдарт M&A: Илон Маск Twitter-г $44 тэрбумаар худалдан авсан ч эцэстээ Гүйцэтгэх захирлын албан тушаалаа өгөх гэж байна. Тэгэхээр уг хэлцэл эцэстээ циркийн жүжиг болов уу, яав? 
• Хааж боов: Үүний зэрэгцээ, энэ оны хамгийн том хэлцэл болох Microsoft (MSFT)-н Activision-д зориулж $68.7 тэрбумын санал тавьсан нь монополын асуудалтай тулгарч, эрсдэлд оров.  

Сэргэж эхлэв

Энэ онд M&A хэлэлцээрийн хэмжээ огцом багассан ч сүүлийн сард хэд хэдэн томоохон хэлэлцээрүүд зарлагдлаа. 

• Банкируудыг баярлуулсан M&A: Microsoft Лондоны хөрөнгийн биржийн 4%-ийг худалдаж авахаар болсноос гадна Amgen (AMGN) нь Horizon Therapeutics (HZNP) компанийг $27.8 тэрбумаар худалдаж авахаар тохиролцож, цаашлаад Thoma Bravo үүлэнд суурилсан бизнесийн программ хангамжийн фирм Coupa Software Inc (COUP.O)-г $8 тэрбумаар худалдан авахаар болов. 

Тэгвэл ирэх жил юу болох вэ? 

SS&C-н судалгаанд хамрагдагсдын 62% нь ирэх онд M&A хэлэлцээр нэмэгдэнэ гэсэн хүлээлттэй байгаа аж. Гэхдээ хэлэлцээрийг хаах дундаж хугацааг нэмэгдүүлэх, Virtual data room ашиглах зэргээр M&A хэлэлцээрийн явцад тулгарч буй асуудлуудыг шийдэж, хурдасгах хэрэгтэй байгаа юм.