Lemonade цувралын ээлжит дугаарт бидний мэдэх "Fragile" видео тоглоомыг бүтээсэн BEER NIGHTS STUDIO-н 3D Концепт дизайнер О.Мөнхжин оролцлоо. 

3D Концепт дизайнер мэргэжлийн давуу болон сул тал…

Тэрбээр их сургуульд график дизайнераар суралцаж байхдаа анх 3D салбартай танилцаж байжээ. Энэ мэргэжил нь бусад мэргэжилтэй харьцуулахад интернэт болон хичээл зүтгэл байхад л бие даан суралцах боломжтой тухай хэлж байна. Түүнчлэн Монголд төдийгүй дэлхийд 3D концепт дизайнер мэргэжлийг нарийн заадаг сургууль одоогоор байхгүй аж. Хэдийгээр манай улсад энэ салбарыг дэмждэг хөрөнгө оруулагч, компаниуд нэмэгдэж байгаа ч харьцангуй шинэ салбар тул төслүүд дээрээ хөрөнгө оруулалт татах, санхүүжилт авахад асуудалтай тулгардаг талаар мөн ярьсан юм. 

Орлогын эх үүсвэрээ хэрхэн бүрдүүлдэг вэ

Гадаадын компанид ажиллахад хийж буй ажил, ажлын чадвараасаа хамааран цагийн $30-$200 хүртэлх цалинтай байдаг бөгөөд манай зочин $35-$150 хүртэлх цалинтай байжээ. Үүнийг нь өдрөөр тооцвол нэг өдөрт $400-$1,000 хүртэлх цалин авдаг байсан гэнэ. Түүнчлэн тэр сүүлийн 3-4 жилийн хугацаанд хувийн орлогоо артистуудын хийсэн уран бүтээлийг олон нийтэд таниулах, зарж борлуулах зорилготой  Artstation вэбсайтаар авч байгаа аж. Түүний хувьд хэдийгээр 7 хоногт ₮2-₮10 саяыг олох боломжтой ч мөнгөнд төдийлөн ач холбогдол өгөхгүй, хэрэгцээ талаас нь хардаг гэдгээ ярьж байлаа. 

Carnival Hunt тоглоомын талаар...

Beer night студийнхэн аймшгийн төрлийн Carnival Hunt тоглоомыг хөгжүүлж санхүүжилтийг нь гарааны хөрөнгө хэрэгтэй бизнес эрхлэгчдэд буцалтгүй хөрөнгө олгох үйл ажиллагаа явуулдаг Kickstarter платформ ашиглан шийдэхээр болсон гэнэ. Тэдний төслийг дэмжихийг хүсвэл Kickstarter дээр дагаx, wishlist-дээ нэмэx хэрэгтэй аж. Учир нь дагагчдын тоо нь эдгээр платформ дээр иxэссэнээр, хэдэн мянган дэлxийн бүтээлүүд дундаас жаахан ч гэсэн анзаарагдах боломж үүсдэг байна. 

Эцэст нь…

Түүний мөрөөдөл зөвхөн энтертайнмент салбараар хязгаарлагдахгүй бөгөөд кино, тоглоом, анимэйшинаас илүү автомотив, буу зэвсгийн зэрэг бодит дизайн дээр хүч сорихыг хүсдэг ажээ. Тэрбээр энэ зорилгынхоо төлөө өөрийгөө хөгжүүлж, олон нийтэд хийсэн бүтээлээ танилцуулдаг байна. Хэрэв түүний өвөрмөц, содон бүтээлүүдтэй танилцахыг хүсвэл ЭНД-ээс харах боломжтой.