Эдийн засгийн бодлого, өрсөлдөх чадварын судалгааны төв (ЭЗБӨЧСТ)-өөс 2022 оны аймгуудын өрсөлдөх чадварын тайланг гаргалаа. 

• Аймгуудын өрсөлдөх чадвар: Энэ нь тухайн аймгийн ЭЗ-ийн тамир тэнхээ, засаглалын үр ашиг, бизнесийн үр ашиг, дэд бүтэц гэсэн үндсэн 4 бүлэгт багтах 180 орчим шалгуур үзүүлэлтээр 0-100 онооны хооронд үнэлэгдэх юм. Энэхүү судалгааг ЭЗБӨЧСТ-өөс 2012 оноос хойш хийж буй. 

Ерөнхий үзүүлэлт

Аймгуудын өрсөлдөх чадварын ерөнхий онооны дундаж өмнөх жилийнхээс 6 оноогоор буурч 65 болов. Учир нь аймгуудын бизнесийн үр ашгийн дундаж 9 оноогоор, эдийн засгийн тамир тэнхээний дундаж 6 оноогоор тус тус буурчээ. 

• Үзүүр түрүү: Өрсөлдөх чадварын уралдаанд Орхон аймаг олон жил тэргүүлсэн. Учир нь тэнд хамгийн олон буюу 3,919 компани үйл ажиллагаа явуулдаг тул харьцангуй хөгжил сайтай байгаа хэрэг. Харин  2021, 2022 онуудад шинэ манлайлагч гарч ирсэн нь Дорноговь байв. Урд хөрштэй хил залгадаг тус аймгийн замын хөгжлийг даган дэд бүтцийн үнэлгээ өндөрсжээ.  

Хаана өсөж, хаана буурав?

Булган, Завхан, Говь-Алтай: 2022 онд 17 аймгийн өрсөлдөх чадварын оноо буурсан ч тус аймгуудын оноо өсжээ. Үүнд засаглалын үр ашиг, дэд бүтцийн үзүүлэлтүүд сайжирсан нь нөлөөлөв. 

Ховд, Увс, Баян-Өлгий: Харин баруун аймгуудын оноо хамгийн ихээр багасжээ. Ховдын оноо 20-иор, Увсынх 19-өөр, Баян-Өлгийн оноо 16-аар тус тус буурлаа. Тэдний санхүү, амьжиргаа, бизнесийн үзүүлэлтүүд дордсон нь энэ. Алслагдах тусам асуудал ихсээд байна уу, даа. 

Баян ходоод: Жагсаалтын сүүлийг Дундговь мушгисан нь тэдний хөгжлийн бодлоготой холбоотой аж. Тиймээс засаглалаа сайжруулах, бүтээн байгуулалт хийх, ажлын байр нэмэгдүүлэх асуудал тулгараад буй.

b

Аймгуудын өрсөлдөх чадварын үндсэн хүчин зүйлс дундаас бизнесийн үр ашгийн дундаж оноо хамгийн бага буюу 52.7 байна. Тэгэхээр соёлын төв, ордон барих биш бизнес, үйлдвэрлэл эрхлэгчдийг дэмжих хэрэгтэй байгаа юм.