Дэлхийн стандартад нийцсэн тахианы махыг шинэхнээр нь нийлүүлэхээр зорьж буй “Баялаг Тахиа” компанийн үйлдвэрт бэлтгэсэн Primeat Chicken хэрэглэгчдийн гарт хүрэхэд бэлэн боллоо.

Баялаг Тахиа компани нь өөрийн аж ахуйдаа махны чиглэлийн тахиаг өндөгнөөс нь эхлэн бойжуулж эцсийн бүтээгдэхүүнээ үйлдвэрлэж буй. Тэд шинэхэн үйлдвэрлэсэн тахианы махныхаа амт чанарыг алдагдуулахгүй хэрэглэгчдэд хүргэхээр зорьж, Мэтагро компанийн Primeat брэндтэй хамтран ажиллаж, бүтээгдэхүүнээ “Primeat Chicken” нэрээр гаргаад байна. Тодруулбал,

• Үйлдвэрлэл: Америкийн тахианы махны чиглэлийн Росс-308 үүлдрийн өндгийг инкубаторт 21 хоногийн турш дарж дэгдээхэй болгон үржлийн аж ахуйгаас өндөг бойжуулах, цаашлаад шувууг өсгөх, бордох аж ахуйг стандартын дагуу явуулж буй.
• Хүчин чадал: 40,000 дэгдээхэй бойжуулах хүчин чадал бүхий 6 шувууны байртайгаар үйл ажиллагаагаа явуулан жилд 1.5 сая орчим дэгдээхэй бойжуулах хүчин чадалтай ба дээд зэргийн чанартай шувууны махыг тогтмол нийлүүлэх юм.
• Тэжээл: Тахианы махны чанар нь тэжээлийн найрлага, чанараас шууд хамаардаг тул Монголдоо ургуулсан үр тариа, буудайг ашиглан өөрийн үйлдвэртээ тэжээлээ бэлтгэдэг аж.

Сонирхуулахад, Primeat брэнд нь өндөр зэрэглэлийн үхрийн махны зах зээлд танилцуулагдаад удаагүй байгаа ба чанар, стандартын шаардлага хангасан, гарал үүсэл нь тодорхой хүнсний бүтээгдэхүүнийг хүйтэн хэлхээгээр дамжуулж, шинэхнээр нь хэрэглэгчдэд хүргэхээр маркетинг, борлуулалт, түгээлтийн цогц системийг хөгжүүлж, брэндийн багцаа улам бүр баяжуулахаар ажиллаж байна.

Түүнчлэн уг хамтын ажиллагааны хүрээнд Баялаг Тахиа компани нь бүтээгдэхүүнийхээ чанар, сав баглаа боодлыг Primeat брэндийн стандартад нийцүүлэн тогтвортой нийлүүлэхээс гадна, тус брэндийн борлуулалт, түгээлтийн системээр дамжуулан хэрэглэгчдэд шинэхэн тахианы махыг хүргэхийг чухалчилж буй.

За тэгээд 2 сарын 29-ний өдрөөс эхлэн 5 хоногийн турш Шангри-Ла Моллд үргэлжлэх Primeat Chicken брэндийн танилцуулгад хүрэлцэн ирэхийг урьж байна.

🔗 Дэлгэрэнгүйг ЭНД дарж аваарай.