Үнэт Санхүүгийн Нэгдлийн охин компани "Үнэт Кредит ББСБ" ХХК нь Инвескор Капитал ҮЦК-тай хамтран Компанийн тухай хууль, Үнэт цаасны зах зээлийн тухай хууль болон СЗХ, МҮЦАЭХ-ны холбогдох журмуудын дагуу биржийн бус зах зээл дээр ₮1 саяын нэрлэсэн үнэтэй, 5,000 ширхэг өрийн хэрэгслийг гаргаж нийт ₮5 тэрбумын хөрөнгө оруулалт татах хөтөлбөрийг хоёр үе шаттай хэрэгжүүлэх, хөрөнгө оруулагч нарт хаалттай хүрээнд санал болгох зөвшөөрөл авсан юм.

Эхний шатны ₮2.7 тэрбумын өрийн хэрэгслийг хөрөнгө оруулагч нарт хаалттай хүрээнд санал болгон 100%-ийн биелэлтэйгээр амжилттай татан төвлөрүүллээ.

"Үнэт Кредит ББСБ" ХХК нь олон төрөлт санхүүгийн үйлчилгээг 12 дахь жилдээ мэргэжлийн өндөр түвшинд үзүүлж буй компани билээ.