2023 оны Сингапурын Финтек Фестивал дээр Сингапурын Финтекийн холбоо, Японы Элеванди, Солонгосын Финтекийн аж үйлдвэрийн холбоо, Филиппин Финтек Холбоо, Тайванийн Финтекийн холбоо, Индонезийн Финтекийн Холбоо, Тайландын Финтекийн холбоо, Малайзын Финтекийн холбоо, Хонконгын Финтекийн холбоо болон Монголын Финтекийн холбоо зэрэг 10 гишүүн хамтран ажиллах санамж бичигт гарын үсэг зурлаа.

Санамж бичгийн хүрээнд тус нэгдлийн 10 гишүүн Ази тивд санхүүгийн хүртээмж, дижитал төлбөр тооцоо, санхүүгийн технологийн хөгжил, санхүүгийн мэдлэгийг дээшлүүлэх чиглэлээр хамтран ажиллахаар тохиролцов. Гишүүнд тулгуурласан, бие даасан, хамтын ажиллагаатай байгууллага болох AFA-г үүсгэн байгуулсан нь хамтын ажиллагааг сайжруулах, хүн бүр ашиг хүртэх боломжтой Финтекийн хүчирхэг экосистемийг бий болгох зайлшгүй шаардлагаас үүдэлтэй юм.

Азийн Финтекийн нэгдэл нь нэр хүндтэй 10 гишүүний давуу талуудыг нэгтгэн бүс нутгийн эдийн засагт эерэг өөрчлөлт авчрах төдийгүй хүмүүсийн амьдралыг сайжруулах хамгийн дэвшилтэт технологи бүхий санхүүгийн эерэг өөрчлөлтөд хувь нэмэр оруулах зорилготой юм.

Монголын Финтекийн Холбоо нь тус нэгдлийн удирдах зөвлөлийн гишүүн бөгөөд цаашдаа Монголд үйл ажиллагаа явуулж буй финтекийн салбарынхан болон Азийн тэргүүлэгч орнуудын финтекүүдийг холбох гүүр нь болж буй. Энэхүү үйл явдал Монголын финтекийн салбарын хөгжил хийгээд тус салбарт үйл ажиллагаа явуулж буй байгууллагуудад томоохон хувь нэмэр оруулна гэдэгт илтэлтэй байна.