Lemon Press сонгуулийн үеэр ажиллах редакцын бодлогоо баталж "Сонгууль 2024" булантай болсон билээ. Энэ хүрээнд бид ХҮН намаас нэр дэвшигчдийг танилцуулж байна. 

Өнөөдөр Монголын улс төрийн намуудын хувьд 2024 оны УИХ-ын сонгуульд нэр дэвшигчдийн нэрсийг зарлах чухал өдөр. ХҮН нам өнөөдөр хурлаа зохион байгуулж, эхний ээлжид 78 нэр дэвшигчтэй тойргийн төлөөлөл, дараагийн ээлжид 48 нэр дэвшигчтэй жагсаалтаа зарлах юм. Улмаар тус нам 78 нэр дэвшигчдээ баталгаажуулаад байна. 

Энэ удаагийн сонгуулиар ХҮН намын зүгээс 126 салбарын мэргэжилтнүүдийг дэвшүүлэхээ зарласан. Тус намын нэр дэвшигчдийг боловсрол болон мэргэжлийн байдлаар нь ангилбал, нийт нэр дэвшигчдийн 70% нь магистр докторын зэрэгтэй, 30% нь бакалаврын зэрэгтэй бөгөөд дундаж нас нь 43 аж. Мөн нэр дэвшигчдийн 23% нь багш судлаачид, 15% нь санхүү, эдийн засгийн салбарын төлөөлөгчид, 13% нь хууль эрх зүй гадаад харилцааны салбарын мэргэжилтнүүд байна. 

Харин тус намын дарга Т.Доржхандын хувьд жагсаалтаар нэр дэвших юм. Түүнчлэн тус намынхан үргэлжлүүлэн намын жагсаалтад бичигдэн нэр дэвших гишүүдээ тодруулахаар хуралдаж буй. 

Ингээд ХҮН намын 13 тойрогт өрсөлдөх 78 нэр дэвшигчтэй танилцъя. 

1-р тойрог: Архангай, Баянхонгор, Өвөрхангай

2-р тойрог: Говь-Алтай, Завхан, Увс, Ховд

3-р тойрог: Баян-Өлгий

4-р тойрог: Булган, Орхон, Хөвсгөл

5-р тойрог: Дархан-Уул, Сэлэнгэ, Төв

6-р тойрог: Дорнод, Сүхбаатар, Хэнтий

7-р тойрог: Говьсүмбэр, Дорноговь, Өмнөговь, Дундговь

8-р тойрог: Баянзүрх дүүрэг

9-р тойрог: Баянгол дүүрэг

10-р тойрог: Сүхбаатар, Чингэлтэй дүүрэг

11-р тойрог: Сонгинохайрхан дүүрэг

12-р тойрог: Хан-Уул дүүрэг

13-р тойрог: Багануур, Багахангай, Налайх дүүрэг

Бид цаашид сонгуулийн үеэр сонгогчдод хэрэгтэй бүх мэдээллийг товч тоймлон хүргэх болно. Манай вэбсайтын "Сонгууль 2024" булангаас мэдээлэл авах боломжтой шүү.