Монгол Улс Их Британи Улстай 1963 оны 1 сарын 23-нд дипломат харилцаа тогтоож байв. Ийнхүү бид барууны оронтой анх удаа түншилж эхэлсний 60 жилийн ой тохиож байна. 

Түншлэл

2 орны түншлэлийн хамгийн их хөрөнгө оруулалт татдаг салбар нь уул уурхайн салбар юм. Цаашлаад 2 орны ЭЗ, хамтын ажиллагааг харвал,

• Гадаад худалдаа: 2017 онд Их Британи руу хийсэн Монголын экспорт $660.5 саяд хүрч түүхэн дээд хэмжээг тогтоож байсан ч өнгөрсөн онд тус үзүүлэлтээс 52 дахин буурч $12.3 саяд хүрээд буй. Харин импортын хувьд адил хугацаанд 46.4% өсөж $42.9 саяд хүрчээ. 2017 оныг эргэн харахад экспортын гол бүтээгдэхүүн нь алт болон ноос ноолуур байжээ. Тус онд алтны экспорт л гэхэд $595 саяыг давж байв.
• Юуг авч, юуг өгч байна? Түүнчлэн тэд манайхаас зэсийн баяжмал, жонш болон бусад ашигт малтмал болон ноолуур, ноос зэргийг голчлон импортолж байна. Харин бид тэднээс төмөр замын эд анги, машин, хоол хүнс болон үр тариаг голчлон авдаг.  
• Хөнгөлөлт & Хөрөнгө оруулалт: Британийн ЗГ-аас манайд гаалийн тарифын хөнгөлөлт үзүүлэхээр болсон. Харин ХО-ыг дэмжихээр ХО хийх сонирхолтой компаниуддаа уян хатан нөхцөлтэй зээл олгоход $3 тэрбумыг зарцуулахаар төсөвлөсөн зэрэг 2 орны худалдаа болон хөрөнгө оруулалтыг эрчимжүүлэх олон бодлогыг хэрэгжүүлж буй.
• Ирэх жилүүдэд: Их Британийн ЗГ Монголд сэргээгдэх эрчим хүч, ХАА, боловсролын салбарыг онцлон ЗГ-ийн вэбсайт дээрээ бизнес эрхлэгчдэд зориулсан Монгол руу экспортлох гарын авлага хүртэл гаргасан байдаг. Тэгэхээр ирэх жилүүдэд тус салбаруудад орж ирэх бизнес болон хөрөнгө оруулалтыг дэмжихэд ихээхэн анхаарах төлөвтэй. 

Харин улс төрийн хүрээнд 

Монгол Улс Их Британитай улс төрийн хүрээнд төдийлөн эрчимтэй харилцаатай байдаггүй ч уур амьсгалын өөрчлөлт, хүний эрх, аюулгүй байдал зэрэг бүс нутгийн болон олон улсын асуудлаар хамтран ажиллаж ирсэн.