"Гүнд Инвестмент" холдинг нийгмийн хариуцлагын хүрээнд үйл ажиллагааг нь дэмжин ажилладаг “Системийн инженерчлэлийн институт” ТББ ДХИС-ийн Удирдлагын академитай хамтын ажиллагааны гэрээ үзэглэж, хамтын ажиллагааны эхлэл болгон системийн инженерчлэлийн танхимыг тохижуулан хүлээлгэн өглөө. 

Системийн инженерчлэлийн институт нь системийн инженерчлэлийн онолын үзэл баримтлалыг таниулах, нийгмийн тодорхой асуудлуудыг шийдвэрлэхэд чиглэсэн судалгааны ажлуудыг гүйцэтгэдэг төрийн бус байгууллага билээ.

Тус институт нь системийн инженерчлэлийн онолын үзэл баримтлалыг таниулах, нийгмийн тодорхой асуудлуудыг шийдвэрлэхэд чиглэсэн судалгааны ажлуудыг гүйцэтгэдэг төрийн бус байгууллага билээ. Хамтын ажиллагааны хүрээнд мөн ДХИС-ийн ахисан түвшний боловсролын хөтөлбөрт системийн инженерчлэлийн онол, арга зүйн агуулгыг энэ хичээлийн жилээс эхлэн албан ёсоор нэвтрүүлж, анхны төгсөгчид нь Удирдлагын академийн стратегийн I, II дамжааны суралцагчид болж, тус сургуулийн Удирдлагын академийн захирал, доктор (Ph.D), цагдаагийн хурандаа Ц.Азбаяр, “Системийн инженерчлэлийн институт” ТББ-ыг үүсгэн байгуулагч Д.Жаргалсайхан, тус ТББ-ын УЗ-ын дарга, "Гүнд Инвестмент" холдингийн Гүйцэтгэх захирал Ж.Бат-Ирээдүй нараас хамтарсан гэрчилгээгээ гардан авав.

Системийн инженерчлэлийн онол арга зүйд суурилан хэрэглэгч харилцагчдынхаа хэрэгцээг хангах бүтээгдэхүүн үйлчилгээг үзүүлэх замаар оролцогч талууддаа үнэ цэн бүтээх Холдингийнхоо эрхэм зорилгыг хэрэгжүүлэхэд дэмжлэг үзүүлж, хууль сахиулах тогтолцооны ирээдүйн алба хаагчдыг бэлтгэдэг их сургуультай хамтын ажиллагааг эхлүүлж байгаадаа туйлын баяртай байна. Дотоод хэргийн их сургуулиар эхэлж буй энэхүү хамтын ажиллагаа маань цаашид Монголын их дээд сургуулиуд, ерөнхий боловсролын сургуулиудад хэрэгжиж, сургалтын хөтөлбөрт нь системийн инженерчлэлийн агуулгыг шингээснээр аливаа асуудлын суурь шалтгааныг танин мэдэх, түүнийг шийдэх шийдэл бүтээх, цэгцтэй, шүүмжлэлт сэтгэлгээний ур чадвар бүхий иргэдийг бэлтгэнэ гэдэгт итгэл төгс байна.

“Системийн инженерчлэлийн институт” ТББ-ын гүйцэтгэх захирал Ч.Оюу-Эрдэнэ

Системийн инженерчлэлийн онол нь нарийн төвөгтэй үйл ажиллагааг загварчлах, асуудлыг цогцоор нь танин мэдэж шийдвэрлэх багц шийдлийг санал болгох зорилготой салбар хоорондын инженерийн ухаан юм. Уг онолын үзэл баримтлалыг "Гүнд Инвестмент" холдинг хөрөнгө оруулсан мэдээллийн технологи, боловсрол, даатгал, санхүү, хүнсний үйлдвэрлэл, аялал жуулчлал, гарааны бизнесийн зөвлөх үйлчилгээ, спортын менежмент зэрэг салбарын 20 орчим төслүүддээ суулган практикт ашигласаар ирсэн бөгөөд системийн инженерчлэлийн ухааныг хөрөнгө оруулалттай холбон ажилласны 10 жилийн ойгоо ирэх онд тэмдэглэх гэж байна. Тус компанийн хөрөнгө оруулсан бүх бизнесүүд системийн инженерчлэлийн онол арга зүйд суурилан үйл ажиллагаагаа явуулдаг онцлогтой аж.   

ДХИС-иар эхэлж буй энэхүү хамтын ажиллагаа цаашид Монголын их, дээд сургуулиуд, ерөнхий боловсролын сургуулиудад хэрэгжиж, сургалтын хөтөлбөрт нь системийн инженерчлэлийн агуулгыг шингээснээр аливаа асуудлын суурь шалтгааныг танин мэдэх, түүнийг шийдэх шийдэл бүтээх, цэгцтэй, шүүмжлэлт сэтгэлгээний ур чадвар бүхий иргэдийг бэлтгэх эхлэл боллоо.

Эх сурвалж: "Гүнд Инвестмент" холдинг