2024 оны УИХ-ын сонгуульд саналаа өгөхөөр дэлхийн 33 улсад амьдарч буй 5,340 монгол иргэн бүртгүүлжээ. Тодруулбал, эхний 10 улсыг авч үзвэл Өмнөд Солонгост 1,115, Америкт 580, Австралид 498, Японд 488, Хятадад 375, Германд 311, Орост 301, Унгарт 194, Чехэд 180, Британид 178 иргэн тус тус бүртгүүлсэн байна.

Гадаадад оршин сууж буй иргэд сонгох эрхээ эдлэхийн тулд 5 сарын 6-наас 6 сарын 15-ны хооронд оршин суугаа эсвэл түр зорчиж буй улс, хотод байршилтай Монгол Улсын Дипломат төлөөлөгчийн газар буюу Элчин сайдын яам, Ерөнхий консулын газар, Консулын газарт санал өгөх тухай хүсэлтээ дор дурдсан бүртгэлийн хэлбэрүүдийн нэгийг сонгож сонгогчдын нэрийн жагсаалтад бүртгүүлэх шаардлагатай.

Хэрхэн бүртгүүлэх тухай мэдээллийг ЭНД дарж авна уу.